Օզոնային շերտը լրջօրէն վնասուած է

Մեծ Բրիտանիոյ Լիդսի համալսարանի գիտնականները պարզեր են, որ մթնոլորտի տրիքլորֆտորմեթանի (ՔՖԱ-11՝ քլորֆտորածխածիններ) պարունակութեան վերջին մեծացումը տասնամեակներով լրջօրէն կը վնասէ անտարկտիկայի օզոնային անցքի շրջանի օզոնային շերտի վերականգնման, — կը յայտնէ Phys.org-ը:

Հետազօտողներն օգտուեր են մթնոլորտ քիմիական նիւթերու տեղափոխման մանրամասնային մոդելէն, որ որոշեն օզոնային շերտին վրայ արտանետումներու ազդեցութիւնը: ՔՖԱ-11-ի արտադրութիւնը սահմանափակուած է 1987 թուականի Մոնրէալի արձանագրութեամբ, եւ կը սպասուէր, որ քսանմէկերորդ դարու երկրորդ կէսին Անտարկտիկայի օզոնի մակարդակը պիտի վերադառնար 1980 թուականի նիշերուն: Սակայն 2018 թուականին գրանցուեր է մթնոլորտի ՔՖԱ պարունակութեան մեծացում, որ հաւանաբար կապուած է Չինաստանէն անյայտ արտադրութեան արտանետումներուն հետ:

Գիտական աշխատութեան հեղինակներն ուսումնասիրեր են երեք հնարաւոր տարբերակ․ արտանետումներն անմիջապէս կը դադարեցուին, կը շարունակուին մշտական մակարդակով, կամ ալ յաջորդ 10 տարիներուն աստիճանաբար կը կրճատուին: Պարզուեր է, որ երկրորդ տարբերակի պարագային օզոնի վերականգնումը պիտի տեւէ 18 տարի: Իսկ եթէ արտանետումները դադրեցուին 10 տարի յետոյ՝ ապա յետաձգումը պիտի կազմէ 2 տարի:

Input your search keywords and press Enter.