Հայաստանի ամերիկեան համալսարանը (ՀԱՀ) եւ PicsArt ընկերութիւնը համատեղ ջանքերով կը հիմնեն արհեստական բանականութեան (AI) հետազօտական փորձակայեան:

Ինչպէս «Արմենպրես»-ին տեղեկացուցին Հայաստանի ամերիկեան համալսարանէն՝ ՀԱՀ-ը եւ PicsArt-ը միասին կ՛աշխատին նոր օրինակ մը ստեղծելու շուրջ, որն առաջ պիտի մղէ գիտութիւնն ու հետազօտութիւնը եւ պիտի մեծցնէ ակադեմիական ու մասնագիտական ունակութիւնները արհեստական բանականութեան ոլորտէն ներս՝ գիտութիւնն ու հետազօտութեան արդիւնքները  արդիւնաբերութեան հետ կապելու միջոցով: 

«Արհեստական բանականութիւնն արագօրէն կը զարգանայ ամբողջ աշխարհով մէկ, եւ կը կարծեմ՝ ճիշտ ժամանակն է զայն զարգացնելու Հայաստանի մէջ եւս: Մենք շատ ուրախ ենք, որ PicsArt-ի հետ համատեղ ջանքերով կը հիմնենք արհեստական բանականութեան փորձակայեան, որ այդ ոլորտին մէջ հետազօտութիւններ իրականացնելու լայն հնարաւորութիւններ կը ստեղծէ:», — կը նշէ ՀԱՀ նախագահ Կարին Մարկիդեսը:

Input your search keywords and press Enter.