Ատրպէյջանցիները կրնան վերադառնալ Արցախ՝ միայն քաղաքական հարցերու կարգաւորումէն ետք. Ստեփանակերտ

Ատրպէյջանցի փախստականներու Ղարաբաղ վերադարձն անհնար է՝ առանց  հայ փախստականներու վերադարձին Ատրպէյջան: Ասոր մասին յայտարարեց ԼՂՀ նախագահի աշխատակազմի ղեկավարի տեղակալ, Դաւիթ Բաբայեանը՝ մեկնաբանելով Ատրպէյջանի ԱԳՆ-ի ղեկավար Էլմար Մամեդիարովի յայտարարութիւնը:

«Նմանատիպ յայտարարութիւնները հերթական անգամ ցոյց կուտան, որ անհրաժեշտ է շատ երկար ժամանակ եւ շատ ջանքեր՝ առաջընթաց գրանցելու համար: Նման աշխարհայացքով, նման «ամանօրեայ ցանկութիւններով» ինչ-որ քայլերու յոյս ունենալն անհնար է. Ատրպէյջանը ոչ մէկ ձեւով չի վերանայիր իր դիրքորոշումը: Սա նոյնն է, ինչպէս օրինակ՝ փուլային նուաճում եւ ղարաբաղեան անկախութեան ապամոնտաժ, ինչն անհնար է: Ատրպէյջանի ղեկավարութիւնը պէտք է վերանայէ պետականաշինութեան եւ հակամարտութեան կարգաւորման իր մօտեցումները, ինչպէս նաեւ հարեւաններու հանդէպ իր վերաբերմունքը: Այլապէս Ատրպէյջանի որեւէ փոփոխութիւն, քաղաքական համակարգի որեւէ վերատեսութիւն՝ պարզապէս մակերեսային միջամտութիւն կը դառնայ, ինչը չի փոխեր անոր պետականաշինութեան փիլիսոփայութիւնը»,- նշեց Դաւիթ Բաբայեանը:  

Պատասխանելով “ատրպէյջանցի բնակչութեան” վերադարձին վերաբերեալ հարցին՝ Բաբայեանն ըսաւ. «Ո՞ւր կ՛ուզեն վերադառնալ։ Եթէ անոնք Ղարաբաղը կը համարեն Ատրպէյջանի տարածք՝ ապա չարժէ որ վերադառնան, անոնք առանց այդ ալ Ատրպէյջանի տարածքին են։ Եթէ կը ցանկանան ըլլալ Արցախի Հանրապետութեան քաղաքացի՝ ապա այդ բանակցութիւններու հարց է։ Փախստականները կրնան վերադառնալ միայն բոլոր քաղաքական հարցերու կարգաւորումէն յետոյ եւ երկկողմանի հիմքով։ Այսինքն՝ չի կրնար ըլլալ ատրպէյջանցի փախստականներու վերադարձ՝ առանց հայ փախստականներու Բաքու եւ Ատրպէյջանի այլ բնակավայրեր վերադարձին։ Եթէ սա տեղի չունենայ, որեւէ միակողմանի գործողութիւն՝ որեւէ արդիւնքի չի հասնիր։ Այս առումով չի կրնար ըլլալ որեւէ միակողմանի քայլ»։

Input your search keywords and press Enter.