Financial Times-ը Հայաստանը նշեր է որպէս թիւ 1 զբօսաշրջային ուղղութիւն 2020թ.-ին

Financial Times-ի զբօսաշրջութեան մասնագէտները կազմեր են 2020 թուականի ամենախոստումնալից զբօսաշրջային ուղղութիւններու գլխաւոր հնգեակը, որու առաջին տեղին է Հայաստանը։

Ինչպէս կը նշէ հրատարակչութեան կայքը՝ Հայաստանի ուղղութեամբ ամրագրուած տոմսերուն քանակը՝ անցեալ տարուան համեմատ աճեր է 100%-ով։

«Երկրին մէջ կը սկսին աշխատիլ Արեւմտեան Եւրոպայի հետ կապուած առաջին ցած գիներ առաջարկողները․ Ryanair-ը, Wizz-ը եւ Air Baltic-ը կը ծրագրեն չուերթեր իրականացնել, որոնք Երեւանը կը կապեն այնպիսի քաղաքներու հետ, ինչպիսիք են Միլանը, Հռովմը, Բերլինը եւ Վիեննան»,- կը նշեն մասնագէտները։

Անոնց կարծիքով Հայաստանի մէջ զբօսաշրջիկներու համար գլխաւոր տեսարժան վայրերը միջնադարեան հրաշալի տաճարներն ու եկեղեցիներն են, որոնցմէ շատերը տեղակայուած են գեղատեսիլ սարերու վրայ։

Օրինակ, Գեղարդի 13-րդ դարու տաճարը փորուած է ժայռի մէջ եւ ԻՒՆԵՍԿՕ-ի Համաշխարհային ժառանգութեան շինութիւն կը հանդիսանայ, ինչպէս Յաղպատի եւ Սանահինի վանքերը։

Կը նշուի, որ Երեւանն ու գինիի գործարանները նոյնպէս կը գրաւեն զբօսաշրջիկներուն։

Input your search keywords and press Enter.