Թիւրքիոյ մամուլի աշխատողներուն՝ տասնեակ տարիներու ազատազրկում

ԼՈՒՐԵՐՈՒ ԿԵԴՐՈՆ — 2019-ի Դեկտեմբերին Թիւրքիոյ մէջ առնուազն չորս լրագրող  ձերբակալուեր է: Դատավարութեան ենթարկուած լրագրողներէն 9-ն դատապարտուեր են ընդհանուր առմամբ 27 տարուայ ազատազրկման: Մենք արձանագրեր ենք  այն լրագրողներուն ցուցակը, որոնց իրաւունքները ոտնահարուած են Դեկտեմբեր ամսուն:

Պատրաստեց Հասան Օզհան Ունալը

Անցեալ տարուայ Դեկտեմբերին մամուլը եւ մամուլի աշխատակիցները ուղղակիօրէն կամ անուղղակի ենթարկուեր են իրաւունքներու ոտնահարման:

Ըստ մեր թերթի եի այլ լրատուամիջոցներու հաղորդումներուն, լրագրողները կրկին լեցուեր են դատարանի դահլիճի միջանցքներուն մէջ:

Այս ճնշումներէն բացի, մէկ լրագրող ենթարկուեր է նաեւ ֆիզիկական բռնութեան:

Միւս կողմէ, բանտ գտնուող լրագրողներէն ոչ մէկը ազատ արձակուեր է:

Ահա իրական պատկերը

Ձերբակալութիւններ եւ կալանաւորումներ

«Էթկին» լրատուական գործակալութեան (ETHA) լրագրող Սերդալ Ըշըքը ձերբակալուեր է Ստամբուլի մէջ: Ըշըքը ազատ արձակուեր է գրաւոր ցուցմունք տալէ ետք:

՝՝Միջագետք՝՝ գործակալութեան (MA) լրագրողներ Սադիյէ Էսերը եւ Սադըք Թոփալօղլուն Ստամբուլի մէջ ձերբակալուեր են ՝՝կազմակերպութեան անդամ՝՝   ըլլալու մեղադրանքով:

՝՝Հրամանագիրի Օրէնքով՝՝ փակուած «Դիջլէ» լրատուական գործակալութեան (DIHA) լրագրող Հաջը Յուսուֆ Թոփալօղլուն  Սամոսատի մէջ ձերբակալուեր է «կազմակերպութեան անդամակցութեան» մեղադրանքով:

Աղրըի մէջ տեղի ունեցած հետախուզական գործողութիւններուն հետեւանքով բերման ենթարկուած լրագրող Ազիզ Օրուչը ձերբակալուեր է մէկ շաբաթ անց՝ ՝՝ կազմակերպութեան անդամ՝՝ ըլլալու մեղադրանքով:

՝՝Սաբիհա Գյոքչէն՝՝ օդանաւակայանին մէջ ձերբակալուած «Ջումհուրիյէթ» թերթի լրագրող Զուլալ Քալքանդելէնը ազատ արձակուեր է գրաւոր ցուցմունքէ ետք:

՝՝Ենիչաղ՝՝ թերթի լրագրող Յաւուզ Սելիմ Դեմիրաղը ձերբակալուեր է Անկարայի մէջ գտնուող իր տան մէջ: Դեմիրաղը ազատ արձակուեր է  ցուցմունքէ ետք:

Կալանաւորումներ եւ դրամական տոյժեր

Թիւրքիոյ տարբեր շրջաններուն կալանաւորուեր եւ դրամական տոյժի ենթարկուեր են տարբեր լրագրողներ՝ տարբեր մեղադրանքներով եւ պատժաժամկէտներով:

Հարցաքնութիւններ եւ դատավարութիւններ

՝՝Միջագետք՝՝ գործակալութեան (MA) թղթակից Էրգին Չաղլարն արդարացուեր է իր դէմ յարուցուած «կազմակերպութեան համար քարոզչութիւն կատարելու» գործով առաջին դատական նիստին ընթացքին:

«Կազմակերպութեան համար քարոզչութիւն իրականացնելու» մեղադրանքով դատավարութեան մէջ գտնուող լրագրող Քենան Քըրքայայի դատավարութիւնը յետաձգուեր է մինչեւ Յունուարի 23-ը:

Լրագրող եւ գրող Ըշըլ Օզգենթիւրքի համար ՝՝կազմակերպութեան քարոզչութիւն՝՝ իրականացնելու մեղադրանքով պահանջեր են 1,5-էն 7,5 տարի ժամկէտով պատիժ:

Այս մեղադրեալներուն ցուցակը բաւական երկար է:

Գրաքննութիւն, ճնշում եւ յարձակումներ

Լրագրող Հասան Քեմալի անձնագիրն առգրաւուեր է, եւ անոր հանդէպ սահմանուեր է երկրէն դուրս գալու արգելք:

Աւելի ուշ բողոքարկման որպէս արդիւնքէ արգելքը վերացուեր է:

Ենիչաղ թերթի լրագրող եւ ԻՅԻ (Լաւ) կուսակցութեան մամուլի խօսնակ Մուրատ Իդէն իր տան մուտքին մօտ յարձակման ենթարկուեր է խումբ մը մարդկանց կողմէ:

Խարբերդի մէջ Էւրենսէլ թերթի ցրիչներուն ոստիկանները տուգաներ են 153 լիրայով՝ շրջակայ միջավայրին անհանգստութիւն պատճառելու մեղադրանքով:

«Ակիտ» հեռուստաընկերութեամբ հեռարձակուած հաղորդման մը ժամանակ հաղորդավար Ֆաթին Դաղըստանլըն մատնանշելով Ջումհուրիյէթ թերթը՝ առաջարկեր է. «Եկէք հաւաքվենք եւ նռնակներ նետենք թերթին առջեւ»:

Input your search keywords and press Enter.