2020թ.-ի Յունուար 24-ին, ժամը 18:30-ին Փարիզի 16-րդ արուարձանի քաղաքապետարանին մէջ (71-րդ պողոտայ: Անրի Մարտին, 75016 ՓԱՐԻԶ) տեղի պիտի ունենայ գիտաժողով՝ ի յիշատակ Սեւրի Խաղաղութեան Դաշնագիրի Հարիւրամեակին եւ Արեւմտեան Հայաստանի յուշագիրին: Որպէս բանախօս հանդէս պիտի գայ Արեւմտեան Հայաստանի Ազգային խորհուրդի նախագահ Արմենակ Աբրահամեանը: Ձեր տեղը կրնաք ամրագրել՝ գրելով հետեւեալ էլ հասցէին․ contactarobasewestern-armenia.eu:

http://www.western-armenia.eu/news/Actualite/2020/Conference-Paris-Centenaire_Traite_de_Sevres-Affiche.pdf

Պատմական եւ իրաւական յիշեցում Արեւմտեան Հայաստանին վերաբերեալ ՝ որեւէ թիւրիմացութենէ խուսափելու համար.

Յիշեցնենք, որ 1917թ.-ի Դեկտեմբեր 29-ին Արեւմտեան Հայաստանի Երզնկայի մէջ Թիւրքիոյ եւ Ռուսաստանի միջեւ կնքուած զինադադարէն յետոյ, Խորհրդային Ռուսաստանի Ժողկոմխորհին կողմէ ընդունուած «Թիւրքահայաստանի մասին» (Արեւմտեան Հայաստան) Դեկրետով ճանչցուեչ է Թիւրքահայաստանի (Արեւմտեան Հայաստան) հայութեան ազատ ինքնորոշման իրաւունքը՝ ընդհուպ մինչեւ լիակատար անկախութիւն:

1920թ.-ի Յունվար 19-ին` Փարիզի Վեհաժողովին ժամանակ, Դաշնակից Տէրութիւններու Գերագոյն Խորհուրդին կողմէ դէ ֆակտօ (de facto) ճամչցուեցաւ Արեւմտեան Հայաստան պետութիւնն ու կառավարութիւնը՝ նախագահ Պօղոս Նուբար Փաշայի գլխաւորութեամբ, իսկ 1920թ.-ի Մայիս 11-ին՝ Սան Ռէմոյի վեհաժողովին ժամանակ դէ յուրէ (de jure) ճանչցուեցաւ որպէս անկախ եւ ինքնիշխան պետութիւն:

Արեւմտեան Հայաստանը Առաջին աշխարհամարտի մարտնչող պետութիւններէն մէկն է։ Ան 1916 թուականի Նոյեմբեր 15-ին Ֆրանսայի հետ ձեւաւորեց Արեւելեան լէգիոնը՝ ուր ներգրաւուեցան հայ կամաւորներ, այնուհետեւ 1919-ի Փետրուար 1-ին անկէ ձեւաւորուեցաւ  Հայկական լէգիոնը՝ Կիլիկիոյ ապագայ հայկական ազգային բանակին կորիզը, Ֆրանսայի կողմէ սատարուած եւ ապա թողլքուած։

Թիւրքիան ճանչցած է Արեւմտեան Հայաստանը` ստորագրելով Սեւրի պայմանագիրը (1920 թ.-ի Օգոստոս 10), ապա բռնագրաւեց զայն:

1920թ.-ի Նոյեմբեր 22-ին ԱՄՆ-ի նախագահ Վուդրօ Ուիլսոնի Իրաւարար վճիռով որոշուեցաւ հայ-թրքական սահմանը՝ ներառեալ Բիթլիսի, Վանի, Էրզրումի եւ Տրապիզոնի նահանգները, բայց չճանչցուեցաւ Ազգերու Լիգային եւ ՄԱԿ-ին կողմէ, քանի որ ան բռնագրաւուած է Թիւրքիոյ կողմէ:

Յիշեցնենք, որ 1894 թուականէն մինչեւ 1923 թուականը՝ Արեւմտեան Հայաստանի գրաւեալ տարածքներու հայ բնիկ բնակչութիւնը ենթարկուեցաւ ցեղասպանութեան, ինչը կատարուեցաւ Թիւրքիոյ կյաջորդական երեք կառավարութիւններուն կողմէ:

Բռնագրաւիչ Թիւրքիան 1932 թուականի Յուլիս 18-ին դարձաւ Ազգերու Լիգայի անդամ:

Կարինը (Էրզերում) կը հանդիսանայ Արեւմտեան Հայաստանի պաշտօնական մայրաքաղաքը, որ ճանչցուեր է դաշնակից ուժերուն կողմէ 1920 թ.-ին։

Սեւրի Պայմանագիրի 93-րդ յօդուածին հիման վրայ՝ փոքրամասնութիւններուն իրաւունքները ամբողջութեամբ կը ճանչցուին Արեւմտեան Հայաստանի Պետութեան կողմէ:

http://www.western-armenia.eu/news/Actualite/2019/Pourquoi_le_Centenaire_du_Traite_de_Sevres.pdf

http://www.western-armenia.eu/news/Actualite/2019/Les_Conditions_de_Constitution_et_de_Reconnaissance_de_lArmenie_Occidentale.pdf

Input your search keywords and press Enter.