ԱՄՆ-ի Կոնգրեսն ընդուներ է Թրամփի՝ Իրանի դէմ գործողութիւնները սահմանափակող օրինագիծը

ԱՄՆ-ի Կոնգրեսի Ներկայացուցիչներու պալատը քուէարկեր է այս բանաձեւին օգտին, որ կոչուած է սահմանափակելու նախագահ Դոնալդ Թրամփի լիազօրութիւնները՝ Իրանի դէմ ռազմական գործողութիւններ կատարելուն:

Բանաձեւի օգտին քուէարկեր է 224, դէմ` 194 օրէնսդիր: Այս օրինագիծով Ներկայացուցիչներու պալատն Իրանի հետ հակամարտութեան հարցով կը կարողանայ վերահսկել Թրամփի գործողութիւնները, կը փոխանցէ tert.am-ը:

Մասնաւորապէս, փաստաթուղթով ԱՄՆ-ի նախագահին կ՛արգիլուի ռազմական գործողութիւններ սկսիլ Իրանի դէմ՝ մինչեւ Կոնգրեսի հաստատելը զայն:

Յիշեցնենք, որ Յունուարի 3-ին Բաղդադի մէջ սպաննուեր էր Իրանի իսլամական յեղափոխութեան պահապաններու կորպուսի զօրավար Ղասէմ Սոլէյմանին: 

Լոյս Չորեքշաբթի օրը՝ Իրանի յեղափոխութեան պահապաններու կորպուսը  զօրավարի սպաննութեան համար վրէժխնդրութեան գործողութիւնն սկսելուն մասին յայտարարեց՝ հրթիռակոծելով Իրաքի արեւմտեան կողմը գտնուող ամերիկեան «Այն ալ-Ասադ» ռազմակայեանը:

 

Input your search keywords and press Enter.