Այսօր Անրի Վերնոյի յիշատակի օրն է

Անրի Վերնոյ (Աշօտ Յակոբի Մալաքեան), Հոկտեմբեր 15, 1920, Թեքիրդաղ, — Յունուար 11, 2002, Բանյոլէ, ֆրանսահայ նշանաւոր կինոռեժիսոր։

Ծնած է Օսմանեան կայսրութեան մէջ, Ռոդոսթօ, 1920 թուականի Հոկտեմբեր 15-ին: Վերնոյի ընտանիքը գաղթեր է Հայերու դէմ կատարուած ցեղասպանութիւնէն ետք 1924 թուականին, երբ Վերնոյը ընդամենը 4 տարեկան էր։ Ընտանիքը որոշ ժամանակով հաստատուեր է Յունաստանի մէջ, ապա տեղափոխուեր է Մարսէյլ:

Վաղ հասկին երգեր է Մարսէյլի հայկական եկեղեցւոյն մէջ եւ յաճախեր է կաթոլիկ դպրոց։ Այնուհետեւ սորվեր է կիրառական արուեստի դպրոցէն ներս, 1941 թուականին աւարտել է  Էքս ան Օտ մարզի ֆրանսական միջնակար դպրոցը (լիսէ)։ 1944 թուականին աշխատանքի անցեր է «Հորիզոն» շաբաթաթերթին մէջ, յօդուածաշարեր տպագրեր է Հայկական հարցին վերաբերեալ, ռադիոհաղորդումներ վարեր է սինէմայի մասին։ 1949 թուականին տեղափոխուեր է Փարիզ եւ աշխատեր է սինէնայի մէջ:

1948 թուականին Վերնոյը նկարահաներ է իր առաջին ֆիլմը՝ «Հայոց վիշտի եւ ազատութեան երգիչը» (նուիրուած է գրող Աւետիս Ահարոնեանին)։ Հայաստանի մէջ Վերնոյը յայտնի է իր «Մայրիկ» եւ «Պարադի փողոց, տուն 588» ֆիլմերով, որոնք ինքնակենսագրական են, ուր ան կը պատմէ հայերու դէմ կատարուած ցեղասպանութենէն ետք Մարսէյլ տեղափոխուած Յակոբ Մալաքեանի (Վերնոյի հայրիկի) ընտանիքի պատմութիւնը։ Իր կեանքին ընթացքին նկարահաներ է աւելի քան 50 ֆիլմ։

Արժանացեր է  շարք մը պարգեւներու, ֆրանսական՝ «Պատուաւոր Լէգիոնի շքանշան», Հայ առաքելական եկեղեցւոյ՝ «Սուրբ Գրիգոր Լուսաւորիչ» 1-ին աստիճանի շքանշանով, Ոսկէ ծիրան կինոփառատօնի շրջանակներէն ներս արժանացեր է «Սերգէյ Փարաջանով» մրցանակին (ետմահու)՝ համաշխարհային սինէմային ունեցած իր մեծ աւանդին համար։ Մէկ անգամ յառաջադրուեր է Օսկարի՝ «Հինգ ոտքերով ոչխար» լաւագոյն սցենար անուանակարգին։

Input your search keywords and press Enter.