Նախագահ Արմենակ Աբրահամեանի մաղթանքները

Ես կը փափաքիմ իմ առաւել անկեղծ շնորհակալութիւնս յայտնել

մեր ընտրեալներ՝

— Մանդելիէ լա Նապուլի քաղաքապետ Պարոն Սեբաստիան Լերոյ-ին,

—  Կաննի քաղաքապետի տեղակալ Պարոն Ֆրենկ ՉԻԿԼԻ-ին,

— Փոխքաղաքապետ, քաղաքային ոստիկանութեան անվտանգութեան Մարտական Վետերաններու գործերու եւ բնական աղետներու կանխարգիլման պատուիրակ Պարոն Գի Վիլալոնգա-ին,

— Մանդելիէ լա Նապուլ քաղաքի Քաղաքապետարանի խորհրդատու Տիկին Փասկալ Բելլինք-ին,

Մեր նախագահներուն, Հայոց Նախագահներուն եւ հայ ընտրեալներուն,

— Մանդելիէ լա Նապուլիի ՄԱԿ-ի նախկին նախագահ, (Վետերան մարտիկներու ազգային միութենէն) Պարոն Կլոդ ԱՐՏԻԱԳԱ-ին,

— Ֆրանսայի ծագումով Հայ Մարտիկներու եւ Դիմադրողներու վետերաններու, Արեւմտեան Հայաստանի խորհրդարանի պատգամաւոր պարոն Ժան ՂԱԶԱՐՈՍԵԱՆ-ին,

— Ֆրանսայի ծագումով Հայ Մարտիկներու եւ Դիմադրողներու վետերաններու փոխնախագահ, Արեւմտեան Հայաստանի խորհրդարանի պատգամաւոր՝ մեր աւագ պարոն Վրէժ ԱԲՐԱՀԱՄԵԱՆ-ին,

— Արեւմտեան Հայաստանի Խորհրդարանի անդամ տիկին Վիոլէտա ԱՂԱՅԵԱՆ-ին,

— Ալպ-Մարիտիմի, Վար-ի եւ Մոնակո-յի Հայ Առաքելական եկեղեցւոյ ծխական խորհուրդի նախագահ տիկին Անոյշ ՍԵՐՈԲԵԱՆ-ին:

Մեր հիւրերուն՝

Սրբազան Հայր Տարօն ՃԵՐԵՃԵԱՆ-ին,

Սրբազան Հայր Գերապատուելի Խաչատուր ՊՕՂՈՍԵԱՆ-ին

 

Մեր սիրելիներուն՝

 

  • CAMLN-ի փոխնախագահ Տիկին Քրիստեան ՇԱՄԻԼԵԱՆ-ին, 
  • Եւ բոլորիդ՝ շնորհակալութիւն

 

 

Եւ ի հարկե,  Մանդէլիօ լա Նապուլի հայկական շրջանի նախագահ տիկին Քերոլայն ՕՀԱՆՆԵՍԵԱՆ-ին, առանց որուն ամեն ինչ անհնար կը դառնար:

Այսպիսով, մենք հաւաքուեր ենք երկրորդ անգամ՝ նշելու համար հայկական Սուրբ Ծնունդը, այս անգամ Կաննի լա Բոկկայի մէջ՝ Յիսուս Նազովրեցիի ծնունդէն ութ օր ետք, ուստի մենք ժամանակին ստացանք մեր օրհնութիւնը։

Այս պատարագը, պատասխան է մեր բոլոր հայրենակիցներու խնդրանքին, վերջին շրջանին տեղի ունեցած գլխաւոր ժողովի ընթացքին Հայկական շրջանակի ստանձնած պարտաւորութիւններուն՝ համագործակցութեամբ Մանդէլիօ լա Նապուլի քաղաքային խորհուրդի, Սէն-Վինսէնթ դէ Լեռնի Կաթոլիկ ծխական խորհուրդի, Կաննի լա Բոկկայի Սուրբ Մարգրիտ եկեղեցւոյ, Ալպ-Մարիթիմի Հայ Առաքելական եկեղեցւոյ ծխական խորհուրդի, եւ ի հարկէ, Գերապատուելի հայր Խաչատուր ՊՕՂՈՍԵԱՆԻ հետ։շ

Յարգելի ընկերներ եւ հայրենակիցներ,

2019 թուականը նաեւ Արեւմտեան Հայաստանէն ներս օրէնսդրական ընտրութիւններու տարին էր՝ տարածաշրջանի մեր ապագայ պատգամաւորները 5 տարի ժամկէտով ընտրելու համար։ Կ՛առաջարկեմ միասին ողջունենք մեր ընտրուած պաշտօնեաները.

 

  •  Ժան ՂԱԶԱՐՈՍԵԱՆ
  • Սերժ ԱԲՐԱՀԱՄԵԱՆ
  • Վիոլետա ԱՂԱՅԵԱՆ 

 

Կը փափաքիմ շնորհաւորել նաեւ Նախկին հայ Մարտիկներու վետերաններու եւ համակիրներու ընկերակցութիւնը՝ Անթիբի մէջ գլխաւոր գրասենեակ հիմնելու առթիւ։ Այս նոր ընկերակցութիւնը կը նախատեսէ ծրագիրներ իրականացնել անմիջապէս Անթիբ քաղաքին մէջ, որոնք ձեզի կը ներկայացուին տարուան ընթացքին։

Յարգելի քաղաքապետ, տիկնայք և պարոնայք, սիրելի ընկերներ,

2020 թուականը կարեւոր տարի պիտի ըլլայ ոչ միայն Մանդէլիօ լա Նապուլի հայկական շրջանին համար, այլեւ Արեւմտեան Հայաստանին համար: 

2020 թուականի Յունվար 24-էն եւ ամբողջ տարուան ընթացքին մենք պիտի նշենք Արեւմտեան Հայաստանի Անկախութեան եւ Սեւրի մէջ կնքուած միջազգային խաղաղութեան պայմանագիրի հարիւրամեակը, այսպիսով, մենք պիտի ապրինք վերածնունդի պահեր՝ սկսելով մեր իրաւունքներու իրացման փուլը, որ մեզ թոյլ պիտի տայ աւելի լաւ կազմակերպուելու եւ բաւարարելու մեր բնակչութեան սպասելիքները, վերջապէս նաեւ աւելի լաւ ընկալուելու համար:

Նախեւառաջ կը պատրաստուինք կազմակերպելու մեր տարեկան ընթրիքը Ապրիլի 4-ին, ՄՈՐԻՍ Միւլլեր-ի տարածքին։ Տոմսերն արդէն հասանելի են տիկին Նախագահէն, մի յապաղէք նախապէս ամրագրելու ձեր տեղերը, անոնք սահմանափակ են:

Այնուհետեւ տեղի պիտի ունենայ Հայերու դէմ կատարուած ցեղասպանութեան զոհերու յիշատակը Ապրիլի 24-ին, որ մեզի համար առանձնայատուկ նշանակութիւն ունի։ Յիշեցնեմ, որ անցեալ տարի Մանդէլիոյի մէջ խաչքարի 10-ամեակին առիթով յուշատախտակ տեղադրեցինք։

Ապրիլի 18-էն Ապրիլի 23-ը Սան Ռէմօ քաղաքը պիտի կազմակերպէ Սան Ռէմոյի Վեհաժողովի հարիւրամեակը, ինչը հնարաւորութիւն տուաւ վերջնականապէս հաստատելու Սեւրի պայմանագիրը:

Կը փափաքէի նաեւ խօսիլ Մանդէլիօ-լա Նապուլ քաղաքի նախագիծին մասին, զոր մեզի առաջարկեր է կազմակերպելու Հայաստանի շաբաթ՝ Նոյեմբեր ամսուան ընթացքին՝ Արեւմտեան Հայաստանի Անկախութեան եւ Սեւրի մէջ կնքուած միջազգային խաղաղութեան պայմանագիրի հարիւրամեակին վերաբերեալ պատմական գիտաժողովներ ու մշակութային միջոցառումներ կազմակերպելու միջոցով:

Ինչպէս կը տեսնէք,  մեզ կը սպասէ բազմազբաղ տարի մը։

Սիրելի քաղաքապետ, տիկնայք եւ պարոնայք, սիրելի ընկերներ եւ հայրենակիցներ,

 

Ֆրանսան կ՛անցնի համեմատաբար բարդ եւ անհանգիստ ժամանակաշրջանի մը ընդմէջէն, բայց պատմութիւնը ցոյց կուտայ, որ Ֆրանսան եւ ֆրանսացի ժողովուրդը իր խելքով եւ համերաշխութեան շնորհիւ միշտ ալ գիտցած է եւ գիտէ, թէ ինչպէս պիտի յաղթահարէ այդ ամենը եւ պիտի նպաստէ իր առաւել գեղեցիկ վերակառուցման, իսկ մենք բոլորս՝ այդ յաջողութեան վկաները պիտի ըլլանք այստեղ։

Թոյլ տուէք ձեզի յղելու իմ լաւագոյն մաղթանքներս՝ առողջութեան, համառութեան եւ երջանկութեան։ 

Փորձը մեզի ցոյց տուած է, որ ինչ ալ որ պատահի՝ բարեկամութիւնը, համերաշխութիւնն ու հարազատութիւնը ժամանակի ընթացքին մեզի կ՛օգնեն յաղթահարելու այն բոլոր անակնկալները, որոնք գալու են մեր կեանքի ընթացքին:

 

Շնորհաւոր Նոր տարի, կեցցէ Ֆրանսան եւ կեցցէ Արեւմտեան Հայաստանը:

Արմենակ ԱԲՐԱՀԱՄԵԱՆ

Արեւմտեան Հայաստանի Ազգային Խորհուրդի նախագահ

Input your search keywords and press Enter.