Արցախի Հանրապետութեան Վանք գիւղը կ՛ապահովուի շուրջօրեայ ջուրով

Վանք գիւղի հարակից տարածքին՝ Խաչէն գետին մօտ, փորուեր է արտեզեան նոր ջրհոր 102 մետր խորութեամբ:

 Ասոր մասին «Արցախպրես»-ի թղթակիցին հետ զրոյցի ժամանակ ըսեր է Վանքի համայնքի ղեկավար Անդրէյ Սարգսեանը:

Անոր խօսքով՝ ջրհորին ջուրը պիտանի է խմելու համար: Ներկայիս պետական բիւտջէի միջոցներով տարածքին կ՛ընթանան շինարարական աշխատանքներ, որոնք կ՛աւարտուին քանի մը օրէն:

«Աշխատանքներու աւարտին՝ նոր ջրհորը պիտի գործարկուի, եւ համայնքն ամբողջութեամբ պիտի ապահովուի խմելու ջուրով: Ջրամատակարարման արդիականացուած ցանց կայ Վանքի մէջ, սակայն գիւղն ապահովուած չէ ոռոգման ջուրով:

Ներկայիս ջուրը բնակիչներուն կը տրամադրուի օրական մէկ ժամով, իսկ նոր ջրհորի գործարկմամբ՝ գիւղը կ՛ունենայ շուրջօրեայ ջրամատակարարում»,- նշեր է Ա. Սարգսեանը:

 

Input your search keywords and press Enter.