Երեւանի պատմութեան թանգարան այցելած զբօսաշրջիկներուն թիւը նկատելիօրէն աճեր է

Երեւանի պատմութեան թանգարանը 2019 թուականին ունեցեր է 20 հազար 707 այցելու, որոնց կէսը եղեր են զբոսաշրջիկներ: «Արմենպրես»-ի մամուլի սրահին մէջ հրաւիրուած ասուլիսին թանգարանի տնօրէն Արմինէ Սարգսեանը նշեց, որ վերջին տարիներուն նկատելիօրէն կաճի թանգարան այցելած զբօսաշրջիկներուն թիւը:

«Մեր թանգարան այցելած հիմնական զբօսաշրջիկները Ռուսաստանէն են: Ունեցեր ենք զբօսաշրջիկներ Չիլիէն, Չինաստանէն, Մալազիայէն, Ինդոնէզիայէն, ԱՄՆ-էն, արաբական երկիրներէն, աշխարհագրութիւնը բաւական մեծ է», — ըսաւ Արմինէ Սարգսեանը: Բաւական աշխոյժ եղած են տօնական օրերու այցելութիւնները, քանի մը օրուայ ընթացքին 100 այցելու  եկեր է, զգալի մասը՝ կրկին զբօսաշրջիկ:

Այցելութիւններն աշխուժացնելու, զանոնք աւելի հետաքրքիր դարձնելու ուղղութեամբ թանգարանը զգալի աշխատանք կը  կատարէ՝ հանդէս գալով շարք մը ծրագիրներով:

Թանգարանին մէջ լաւ կ’աշխատին ցուցանմուշներու համալրման ուղղութեամբ, արդէն անոնց թիւը 97 հազարէն կ’անցնի՝ փաստաթուղթեր, լուսանկարներ, հնագիտական առարկաներու հարուստ հաւաքածու եւ այլն:

 

Input your search keywords and press Enter.