Պոլսոյ մէջ տեղի կ՛ունենայ Հրանդ Դինքի սպաննութեան 13-րդ տարելիցին նուիրուած յիշատակի միջոցառում

Կոստանդնուպոլսոյ մէջ Յունուարի 19-ին տեղի կ՛ունենայ Պոլսահայ նշանաւոր մտաւորական, «Ակօս» շաբաթաթերթի հիմնադիր, խմբագրապետ Հրանդ Դինքի սպաննութեան 13-րդ տարելիցին նուիրուած յիշատակի միջոցառում:

Ինչպէս ամեն տարի, այս տարի եւս Դինքի մտերիմները կը հաւաքուին «Ակօս»-ի նախկին խմբագրութեան առջեւ, ուր 2007 թուականի Յունուար 19-ին թիւրք ազգայնական Օգիւն Սամասթի կողմէ գլխուն արձակուած կրակոցներէն սպաննուեր էր հայազգի լրագրողը։

Միջոցառման կազմակերպիչները՝ Դինքի ընկերներ նախաձեռնողական խումբը «Ամչնալու համար ուշ չէ» կարգախօսին ներքոյ հանդէս եկեր են կոչով՝ հրաւիրելով Կիրակի օրը 15:00-ին ըլլալու նոյն տեղը՝ Դինքի սպաննութեան վայրը:

Դինքի յիշատակին նուիրուած միջոցառումներ տեղի պիտի ունենան նաեւ Ֆրանսայի, Գերմանիոյ, ԱՄՆ-ի եւ Կանադայի մէջ:

Input your search keywords and press Enter.