Իրանը մերժեր է միջուկային նոր գործարք կնքելու Թրամփի առաջարկը

Իրանի ԱԳ նախարար Մոհամմադ Ջաւադ Զարիֆը յայտարարեր է, որ Թեհրանը մտադիր չէ որեւէ համաձայնագիր ստորագրելու, որով կրնան փոխուիլ միջուկային հարցով կնքուած Գործողութիւններու համատեղ համապարփակ ծրագիրի պայմանները:

Ասոր մասին, tert.am-ի փոխանցմամբ կը հաղորդէ РИА Новости-ին՝ մեջբերելով նախարարի գրառումը:

«Մենք անոր համար չենք ստորագրած «Օբամայի գործարքը»՝ որպէսզի այժմ զայն փոխարինենք «Թրամփի գործարքով»»,-գրեր է Զարիֆը Twitter-ի մէջ:

Վերջինս աւելցուցեր է, որ եթէ նոյնիսկ Իրանը համաձայնի այդ քայլին՝ որեւէ երաշխիք չկայ, որ մէկ տարի անց անհրաժեշտութիւն յառաջանայ փոխելու համաձայնագիրին պայմանները, եթէ 2020-ին ԱՄՆ-ի նախագահական ընտրութիւններուն յաղթէ դեմոկրատ թեկնածուն։ 

Յիշեցնենք, որ Իրանի հետ նոր միջուկային համաձայնագիր մշակելու մտադրութեան մասին Թրամփը յայտներ էր Իրանին վերաբերեալ իր յայտարարութեան ժամանակ, որ յաջորդեր էր ԱՄՆ-ի ռազմաօդային հարուածներուն հետեւանքով պարսիկ զօրավար Ղասէմ Սոլէյմանիի սպաննութեանն ու Իրաքի մէջ Ամերիկեան ռազմաօդային խարիսխներու հրթիռակոծման:

Input your search keywords and press Enter.