Հայաստանի մէջ հռովմէական շրջանի ջրատար-ակուեդուկտ մը յայտնաբերուեր է

Հնագիտութեան եւ ազգագրութեան ինստիտուտի տնօրէն Պաւել Աւետիսեանի փոխանցմամբ՝ անցեալ տարի շատ ուշագրաւ հնագիտական յայտնագործութիւն մը տեղի ունեցեր է Խոր Վիրապի մօտ գտնուող Արտաշատ մայրաքաղաքի տարածքին՝ բացայայտուեր է քաղաքի ջրամատակարարման համակարգը. — «Մօտ մէկ կիլոմետր տարածք զբաղեցնող այդ ջրատար-ակուեդուկտի հիմքերը բացեր ենք։ Հսկայական կառոյցներ են, ի հարկէ հռովմէական շրջանի կառոյցներ։ Այսինքն, մեր անուանի մայրաքաղաք Արտաշատի այս վերջին 10-15 տարիներու պեղումներով՝ ինչպէս այն հասարակական բաղնիքը, այնպէս ալ այս ջրատարը ցոյց կուտան, որ արքայանիստ եւ շատ լուրջ քաղաքի մը հետ գործ ունինք։ Եւ 2020 թուականին մեր առաջին խոշոր խնդիրներէն մէկը պիտի ըլլայ շարունակել [այս պեղումները]»,-նշեր է ան։

Input your search keywords and press Enter.