Երիտասարդներու եւ սիրոյ բարեխօս Սուրբ Սարգիսի տօնն այս տարի Արցախի Հանրապետութեան մէջ պիտի նշուի Փետրուարի 8-ին

Այս տարի Սուրբ Սարգիս զօրավարի տօնը, որն հայության մէջ կը համարուի որպէս երիտասարդութեան եւ սիրոյ օրհնութեան տօն՝ պիտի նշուի Փետրուարի 8-ին:

Ասոր մասին «Արցախպրես»-ի թղթակիցին հետ իր զրոյցին ըսեր է Ստեփանակերտի քաղաքապետարանի մշակոյթի, երիտասարդութեան հարցերու եւ զբօսաշրջութեան բաժնի պետ Կարինա Յարութիւնեանը:

Անոր խօսքով՝ Ստեփանակերտի քաղաքապետարանի նախաձեռնութեամբ մայրաքաղաքի Ստեփան Շահումեանի անուան օղակաձեւ պուրակին մէջ Փետրուարի 8-ին՝ ժամը 15:00-ին տեղի պիտի ունենայ տօնական միջոցառում, նուիրուած Սուրբ Սարգիսի տօնին: «Միջոցառման պիտի մատուցուի օրհնութեան կարգ, որուն պիտի յաջորդեն հայկական աւանդական երգն ու պարը, խաղիկները: Երիտասարդներուն պիտի բաժանուին աղի բլիթներ ու քաղցրաւենիք: Պիտի ըլլայ սիրոյ իւրայատուկ խոստովանութեան մրցոյթ: Կը սպասուին նաեւ հետաքրքիր այլ անակնկալներ», — մասնաւորապէս ըսեր է ան:

Input your search keywords and press Enter.