Ահաբեկիչները վերջին 4 օրերուն Սուրիոյ մէջ սպաններ են 3 տասնեակ խաղաղ բնակիչներ

Հայ՛աթ Թահրիր ալ-Շամի ահաբեկչական խմբաւորման զինեալները Յունուարի 9-ին եւ 16-ին քանի մը գրոհներ իրականացուցեր են Սուրիոյ կառավարական ուժերուն վրայ Իդլիբի ապառազմականացուած գօտիին մէջ: Ասոր մասին Ուրբաթ օր յայտարարեր է Սուրիոյ մէջ պատերազմող կողմերու հաշտեցման ռուսական կեդրոնի ղեկավար, զօրավար-մայոր Իւրի Բորենկովը։

Ահաբեկիչները յարձակեր են Իդլիբ նահանգի չորս եւ Հալէպ նահանգի երկու բնակավայրերու վրայ: Սուրիական կառավարական ուժերը ետ մղեր են գրոհները՝ ահաբեկիչներուն զգալի վնասներ պատճառելով։

Ահաբկիչները չեն սահմանափակուած միայն կառավարական ուժերուն վրայ յարձակումներով։ Յունուարի 9-էն անոնք պարբերաբար գնակոծեր են Սուրիոյ խաղաղ բնակավայրերը․  Յունուարի 14-էն՝ միայն Հալէպի մէջ մահաբեկիչներու հարուածներէն զոհուեր է 28 եւ վիրաւորուեր է 56 խաղաղ բնակիչ։

 

Input your search keywords and press Enter.