Օրուայ ընթացքին Իդլիբ նահանգի արեւելքին թեժ մարտեր տեղի ունեցան Հայ՛աթ Թահրիր ալ-Շամի ահաբեկիչներուն եւ կառավարական ուժերուն միջեւ:

Ընդդիմութեան աղբիւրները կը նշեն , որ ահաբեկիչներուն յաջողուեր է կառավարական ուժերը դուրս բերել Թել-Մասյաֆ գիւղէն:

Իդլիբի արեւելքին, Մաարաթ ալ-Նաաման քաղաքէն հիւսիս, աւելի քան 200 զինեալներ յարձակեր են կառավարական ուժերուն վրայ, սակայն  լուրջ կորուստներ կրելով նահանջեր են: Ամենադաժան բախումները տեղի ունեցեր են Աբու Դաֆնէ գիւղի տարածքին, մարտերը այդ շրջանին դեռ կը շարունակուին:

Մինչդեռ՝ ահաբեկիչները եւ թրքական բանակը կարգելափակեն փախստականներուն ելքը Իդլիբի տարածքէն: Twitter-ի աղբիւրը (@Salah_Addin_) կը յայտնէ, որ զինուած խմբաւորումներուն  հրահանգուեր է կրակ բանալ բոլոր այն քաղաքացիական անձերուն վրայ, ովքեր կը փորձեն դուրս գալ Իդլիբի՝ ահաբեկիչներուն կողմէ վերահսկուող տարածքներէն: Զինեալները կը շարունակեն օգտագործել քաղաքացիական անձերը որպէս մարդկային վահան:

Input your search keywords and press Enter.