Արթուր Ալեքսանեանը եզրափակիչին յաղթեց ատրպէյջանցիին՝ դառնալով ոսկէ մեդալակիր

Յունահռովմեական ըմբշամարտի օղիմպիական ախոյեան, աշխարհի եռակի, Եւրոպայի քառակի եւ Եւրոպական խաղերու ախոյեան Արթուր Ալեքսանեանը ոսկէ մեդալ նուաճեց Ֆրանսայի Նիցա քաղաքին մէջ ընթացող օղիմպիական ախոյեան Հենրի Դեգլանի անուան Գրան Պրի մրցաշարին:

Եզրափակիչին Արթուր Ալեքսանեանը 3:1 հաշուով յաղթեց Ատրպէյյջանի ներկայացուցիչ Օրխան Նուրիեւին: Սա Արթուր Ալեքսանեանի առաջին մրցելոյթն է՝ վնասուածքէն ետք: Յիշեցնենք, որ Ղազախստանի մէջ տեղի ունեցած աշխարհի առաջնութեան օղիմպիական ախոյեանը կողոսկրի վնասուածքին պատճառով հրաժարեցաւ եզրափակիչ գօտեմարտէն:

Արեւմտեան Հայաստանը կը շնորհաւորէ հայազգի մարզիկին եւ կը մաղթէ նորանոր յաղթանակներ:

Input your search keywords and press Enter.