Արցախի մէջ բացուեր է 27-րդ «Արմաթ» ինժիներական լաբորատորիան

Յունուարի 21-ին, տեղեկատուական տեքնոլոգիաներու ձեռնարկութիւններու միութեան (ԻՏՁՄ) նախաձեռնութեամբ եւ Բաքուի ջարդերը վերապրած Աննա Աստուածատուրեանի հովանաւորութեամբ՝ Ստեփանակերտի N8 միջնակարգ-հոսքային դպրոցէն ներս տեղի ունեցեր է «Արմաթ» ինժիներական լաբորատորիայի բացման հանդիսաւոր արարողութիւնը:

 «Արցախպրես»-ի թղթակիցի հաղորդմամբ՝ դպրոցի աշակերտներն ԱՀ Ազգային ժողովի նախագահ Աշօտ Ղուլեանին, ԱՀ կրթութեան, գիտութեան եւ սպորտի նախարար Նարինէ Աղաբալեանին, ԱՀ արտաքին գործոց նախարար Մասիս Մայիլեանին, լաբորատորիայի բացման հովանաւոր Աննա Աստուածատուրեանին դիմաւորեր են աղ ու հացով, որմէ ետք ներկաները ծաղիկներ խոնարհեր են զոհուածներու յիշատակը յաւերժացնող յուշատախտակին:

««Արմաթ» ինժիներական լաբորատորիաները մեծ դեր կ՛ունենան ԱՀ տնտեսական ոլորտէն ներս՝ պատրաստելով տեքնիկ մասնագիտութեան աշխատոյժ, որ պիտի բաւարարէ օրեցօր աճող պահանջարկը: Մեր աշակերտները նորաբաց լաբորատորիային մէջ ծրագրաւորում կ՛ուսումնասիրեն, կը ստեղծեն խաղեր եւ շարժապատկերներ, կը զբաղին ռոբոտաշինութեամբ, եռաչափ մոդելաւորմամբ եւ տպագրութեամբ, համակարգչային փայտամշակմամբ եւ լազերային փորագրութեամբ»,-առանձնապէս շեշտեր է տնօրէնը:

Input your search keywords and press Enter.