Բեռլինի մէջ կը բացուի Թումօ կեդրոն

Յունուարի 21-ին Թումօ Երեւանի եւ KfW բանկի Բեռլինի ներկայացուցչութեան մէջ զուգահեռաբար տեղի ունեցաւ Բեռլինի մէջ Թումօ կեդրոնի հիմնադրման վերաբերեալ պայմանագիրի ստորագրման արարողութիւնը:

Կեդրոնը պիտի գտնուի Բեռլինի արեւմտեան հատուածին` պատմական Շառլոտենբուրգ թաղամասին մէջ: 1lurer.am-ի փոխանցմամբ՝ ան իր դուռերը պիտի բանայ այս տարուայ Հոկտեմբերէն` անվճար սորվելու հնարաւորութիւն տալով 1200 ուսանողի:

Միջոցառման ներկայ էին Հայաստանի Հանրապետութեան եւ Գերմանիոյ Դաշնային Հանրապետութեան կառավարութիւններու անդամներ, երկու երկիրներուն մէջ հաւատարմագրուած դեսպաններ, միջազգային կազմակերպութիւններու ներկայացուցիչներ, ինչպէս նաեւ Թումօ կեդրոնի եւ KfW բանկի ղեկավարներ:

Բեռլինը Թումոյի յաջորդ միջազգային ուղղութիւնն է: Ծրագիրն արդէն կը գործէ Փարիզի եւ Բէյրութի մէջ, կը նախապատրաստուի նաեւ կեդրոններ բանալ Մոսկուայի, Տիրանայի, Տոկիոյի եւ այլ քաղաքներու մէջ:

 

Input your search keywords and press Enter.