18 մեդալ` մէկ միջազգային ողիմպիականէն. հայ աշակերտներն Ալմաթիէն յաղթանակով վերադարձեր են

Երեւանի Ա. Շահինեանի անուան ֆիզիկամաթեմատիկական դպրոցի եւ «Քուանտ» վարժարանի սաները լուրջ արդիւնքներով` 18 մեդալով վերադարձեր են Ղազախստանի Ալմաթի քաղաքին մէջ տեղի ունեցած Ժաուտիկովեան միջազգային 16-րդ ողիմպիականէն:

Ողիմպիականին մասնակցեր է 16 երկիր՝ ետխորհրդային եւ Եւրոպական պետութիւններ: Ընդհանուր առմամբ 600 մասնակից եղած է:

«Քուանտ» վարժարանի ֆիզիկայի ուսուցիչ, թիմի ղեկավար Էդգար Վարդանեանը նշեց, որ ողիմպիականը բաղադրուած էր  երեք առարկայէ՝ «Մաթեմատիկա», «Ֆիզիկա» եւ «Տեղեկատւութիւն»:

«Մեր դպրոցը երբէք դատարկաձեռք չէ վերադարձած միջազգային ողիմպիականներէն: 2005 թուականէն այսօր 7 ոսկի ունինք, 36 արծաթ: Ըսեմ, որ այս անգամ ներկայացուած պետութիւններուն մէջ խմբային պայքարին մեր դպրոցը 4-րդն էր»,–ասուլիսի ընթացքին ըսաւ Շահինեանի անուան ֆիզիկամաթեմատիկական դպրոցի մաթեմատիկայի ուսուցիչ, Հայաստանի խումբի ղեկավար Սուրէն Գրիգորեանը։

 

Input your search keywords and press Enter.