Ջաւախքի Նինոծմինդայի մէջ պետբիւտջէդով երկու ենթակառուցուածքային նախագիծ կ՛իրականացուի

Յունուարի 13-ին Նինոծմինդայի տարածքային վարչութեան պետական ​​գնումներու կայքին մէջ յայտարարուեր է 2 ենթակառուցուածքային նախագիծ՝ գիւղական ճանապարհներու ասֆալտապատման մրցոյթ:

Առաջին նախագիծը Գանձայի եւ Փոկայի ճանապարհներու ասֆալտապատումն է: Երկու աշխատանքներուն համար Նինոծմինդայի տարածքային վարչութիւնը յատկացուցեր է 726539 լարի: Գանձա գիւղի ասֆալտապատման համար` 215 445 լարի, Փոկայի համար՝ 511 094 լարի:

Երկրորդ նախագիծը Մեծ Խանչալի գիւղէն Փոքր Խանչալի գիւղ հասնող ճանապարհի ասֆալտապատումն է: Գումարը կը կազմէ 1 111 887 լարի:

Երկու մրցոյթներն ալ յայտարարուած են Յունուարի 13-ին, իսկ յայտերն ընդունելու վերջնաժամկէտը Փետրուարի 4-ն է:

Յաղթողը աշխատանքները պէտք է աւարտէ 90 օրացուցային օրուայ ընթացքին: Ըստ մրցութային փաստաթղթերուն՝ երաշխիքը երեք տարի է, աշխատանքներու աւարտէն ետք:

Input your search keywords and press Enter.