«Economist» հանդէսի վերլուծական կեդրոնը հրապարակեր է 2019 թուականի Դեմոկրատիայի ցուցիչը (Democracy Index 2019): Զեկոյցին ներառնուած են 165 պետութիւններու եւ 2 տարածքներու տուեալները: «Արմենպրես»-ի հաղորդմամբ՝  Հայաստանը զեկոյցին ժամանակ զբաղեցուցած է 86-րդ տեղը: Նախորդ զեկոյցին համեմատ՝ առաւել յառաջխաղացում գրանցած երկրներու շարքին է նաեւ Հայաստանը: 2018 թուականի դեմոկրատիայի ցուցիչով՝ Հայաստանը 103-րդ դիրքը գրաւած է: Հայաստանն այս զեկոյցով դասուած է «հիբրիդային ռեժիմներու» ցանկին մէջ՝ ստանալով ընդհանուր 5.54 միաւոր։

Economist-ի փորձագէտները երկիրները կը դասեն կարգերու 4 տեսակի՝ «ամբողջական դեմոկրատիա», «անկատար դեմոկրատիա», «հիբրիդային կարգ» եւ «մենիշխանական կարգ»:

Ըստ զեկոյցին՝ Վրաստանը զբաղցուցած է 89-րդ հորիզոնականը, Ատրպէյջանը՝ 147-րդ, Թիւրքիան՝ 110-րդ, Իրանը՝ 151-րդ հորիզոնականը:

Դեմոկրատիայի ցուցիչով ամենաբարձր ցուցանիշները գրանցեր են Նորվեգիան, Իսլանդան, Շուէդը, Նոր Զելանդան, Ֆինլանդան, Իռլանդան, Դանիմարկը, Կանադան, Աւստրալիան, Զուիցերիան:

 

Input your search keywords and press Enter.