Հայերու դէմ կատարուած ցեղասպանութեան զոհերու եւ անկէ վերապրածներու տուեալներու կեդրոնի ստեղծումը կարեւոր նշանակութիւն ունի. թանգարանի տնօրէն

Հայերու դէմ կատարուած ցեղասպանութեան թանգարան-ինստիտուտը կարեւոր կը համարէ զոհերու եւ Ցեղասպանութենէն վերապրած մարդկանց տուեալներու կեդրոնը՝ այնտեղ յուշագրութիւններու տուեալներու կեդրոն եւ տեսանիւթերու ստեղծմամբ: Այս նպատակներու իրականացման համար ինստիտուտը ֆինանսաւորման աղբիւր կը փնտռէ: Ասոր մասին Յունուարի 23-ին լրագրողներու հետ իր հանդիպման ժամանակ յայտնեց ցեղասպանութեան թանգարան-ինստիտուտի տնօրէն Յարութիւն Մարութեանը:

2019 թուականի աշխատանքներուն արդիւնքները ամփոփելով՝ ան գոհունակութեամբ նշեց, որ յաջողուեր է հրապարակել «Ցեղասպանութեան հետազօտութիւններու ամսագիրի» 2018 եւ 2019 թուականներու երկու հերթական համարները, վերականգուեր է անգլիալեզու «Internatioanal Journal of Armenian Genocide Studies» ամսագիրի թողարկումը, կազմակերպուեր են բազմաթիւ համաժողովներ, հետազօտուեր են ֆոնդերուն մէջ պահուող 35 չհրապարակուած յուշագրութիւններ:

«Ասոնցմէ զատ, կազմակերպուեր է 19 մեթոդական գիտաժողով՝ օտարերկրեայ եւ հայ մասնագէտներու մասնակցութեամբ, վերականգնուեր է Ռաֆայէլ Լեմկինի կրթաթոշակի տրամադրումը, կազմակերպուեր են բազմաթիւ ցուցահանդէսներ: Բացի ասոնցմէ, գիտական ֆոնդերը համալրուեր են 1886 միաւոր նմուշներով, գիտական գրադարանը՝ 384 միաւորով, թուայնացուեր է 1156 լուսանկար: Միջազգային համագործակցութեան ոլորտէն ներս կայացեր են համատեղ աշխատանքներ, որոնց շարքին՝ Camp des Milles հիմնադրամի, Յոհաննէս Լէփսիուսի տուն-արխիւի, Կանադայի Մարդու իրաւունքներու թանգարանի, Լեհաստանի Պիլկէի ինստիտուտի հետ»,- աւելցուց Յարութիւն Մարութեանը:

Թանգարան-ինստիտուտի ֆոնդերու վարիչ Գոհար Խանումեանը յայտնեց, որ այս տարուայ Ապրիլին պիտի կազմակերպուին համաժողով եւ ցուցահանդէս՝ նուիրուած Կիլիկիոյ հայերու ինքնապաշտպանութեան 100-ամեակին:

Input your search keywords and press Enter.