Ականաւոր բանաստեղծ, գրող, գրականագէտ Պարոյր Սեւակը՝ որու ստեղծած անթիւ ու անհամար գործերը գերած են եւ կը գերեն տարբեր սերունդներու ներկայացուցիչները, Յունուարի 24-ին պիտի դառնար 96 տարեկան: Պարոյր Սեւակի տուն-թանգարանն աւանդոյթի համաձայն՝ պիտի նշէ գրողի ծննդեան տօնը` կազմակերպելով տարբեր միջոցառումներ:

«Արմենպրես»-ի թղթակիցին հետ իր զրոյցին՝ տուն-թանգարանի տնօրէն Սեւակ Ղազարեանն ըսաւ, որ ծաղիկներ պիտի խոնարհուին գրողի շիրիմին, այնուհետեւ  Զանգակատուն համայնքի միջնակարգ դպրոցի աշակերտներն ու «Ռոտոնդա» մանկապատանեկան ներառական թատերախումբը հանդէս պիտի գան ելոյթներով, թատերական ներկայացմամբ:

Անդրադառնալով տուն-թանգարանի գործունէութեան` Սեւակ Ղազարեանը շեշտեց, որ ընդամենը մէկ տարի է, ինչ ստանձներ է տնօրէնի պարտականութիւնները, եւ այդ ընթացքին որոշ փոփոխութիւններ իրականացուեր են:

«2019 թուականին կտրուկ աւելցեր է մեր թանգարան այցելողներուն թիւը: Ընդհանուր առմամբ՝ թանգարանն ունեցեր է 14085 այցելու: Սա աննախադէպ ցուցանիշ է՝ թանգարանի գրեթէ 40-ամեայ գործունէութեան համար: Թանգարանը գործուն է նաեւ վիրտուալ ընկերային հարթակին մէջ: Ամբողջացուցեր ենք տուն-թանգարանի մատուցած ծառայութիւններուն փաթեթը»,-պատմեց տուն-թանգարանի տնօրէնը:

Input your search keywords and press Enter.