Թիւրքիան յայտարարեր է Սուրիական կառավարական բանակի 115 թիրախներուն վրայ իր յարձակման մասին

Ալ Ջազիրա լրատուականի տեղեկութիւններով, Թրքական բանակը հրետանային հարուածներ հասցուցեր է Սարակեբ ռազմավարական կարեւորութիւն ունեցող քաղաքին վրայ։ Այս քաղաքը Սուրիական կառավարական ուժերն ազատագրեր էին քանի մը օր առաջ, Թահրիր աշ Շամ ահաբեկչական խմբաւորման ձեռքէն։

Միեւնոյն ժամանակ, զինուած գրոհայիններու ստորաբաժանումները, թրքական հրետանիի հարուածներուն շնորհիւ, լայնածաւալ յարձակողական գործողութիւններ սկսեր են այդ նահանգի արեւելքին՝ կառավարական ուժերուն դէմ: 

Կէսօրէ ետք NTV հեռուստաընկերութիւնը վկայակոչելով Թիւրքիոյ Պաշտպանութեան նախարարութիւնը՝ կը յայտնէ, որ սպաննուեր են վեց  թիւրք զինուորներ եւ վիրաւորուեր է եւս չորսը, երբ թրքական ռազմական շարասիւնը յայտնուեր է կրակի տակ Տաֆթանազիի մօտակայքին: Ի պատասխան՝ թրքական բանակը կրակ բացեր է Սուրիական զօրքերու դիրքերուն ուղղութեամբ՝ յարձակելով 115 թիրախի վրայ։ Ըստ հաղրդագրութեան՝ վիրաւորուեր է կառավարական զօրքերու 115 զինծառայող։

Սուրիոյ պաշտպանութեան նախարարութիւնը որեւէ տեղեկութիւն չէ ստացած տուժած զինուորականերուն մասին, աւելին Սուրիոյ ՊՆ-ն կը հաղորդէ, որ թրքական ոչ մէ օդանաւ չէ ներթափանցած Սուրիոյ օդային տարածք:

Input your search keywords and press Enter.