Հալէպի արեւմուտքին գտնուող Խան-Ասել բնակավայրը ազատագրուեր է ահաբեկչական խմբաւորումներէն

Սուրիական բանակը «Ջեբհաթ ան-Նուսրա» ահաբեկչական խմբաւորման դէմ դաժան մարտեր վարելով ազատագրեր է Հալէպ նահանգի արեւմուտքին գտնուող Խան-Ասել բնակավայրը:

 Tert.am-ի փոխանցմամբ, ասոր մասին կը յայտնէ РИА Новости-ն՝ յղում կատարելով ռազմական աղբիւրին:

Այսօր աւելի վաղ յայտնի դարձեր էր, որ Սուրիական բանակը 2012 թուականէն ի վեր առաջին անգամ վերականգներ է ամբողջական վերահսկողութիւնը Դամասկոս-Հալէպ միջազգային մայրուղիին նկատմամբ եւ պայքար կը մղէ մայրուղիէն հիւսիս-արեւմուտք ինկած Խան-Ասելի շրջանին մէջ:

Օրեր առաջ Սուրիական զինուած ուժերու հրամանատարութիւնը յայտներ էր Հալէպ եւ Իդլիբ նահանգներուն մէջ աւելի քան 600 քառ կմ մակերեսով տարածքի ազատագրման մասին:

Input your search keywords and press Enter.