Սուրիոյ խորհրդարանը ճանչցաւ հայերու դէմ իրագործուած ցեղասպանութիւնը

Սուրիոյ օրէնսդիր ժողովը միաձայն ընդունեց բանաձեւ մը, որ կը դատապարտէ 20-րդ դարու սկիզբին Օսմանեան պետութեան կողմէ հայերու դէմ իրականացուած ցեղասպանութիւնը:

Սա 2-րդ օրէնսդիր մարմնի 12-րդ հերթական նստաշրջանի 10-րդ հանդիպման ընթացքին էր, զոր կը վարէր Ազգային ժողովի նախագահ Համուդա Սաբբահը:

Բանաձեւը դատապարտեց որեւէ ցեղասպանութիւն անտեսելու եւ կամ իրականութիւնը խեղաթիւրելու փորձը` պնդելով, որ այդ ոճրագործութիւնը մարդկութեան դէմ ուղղուած ամենասարսափելի ոճրագործութիւնն է:

Բանաձեւը լիակատար կարեկցանք յայտնեց բարեկամ հայ ժողովուրդին եւ հաստատեց, որ հայերը, սուրիացիները եւ ասորիները զոհ դարձած են  համակարգուած էթնիկ զտման եւ դարձած են Օսմանցիներուն կողմէ իրականացուած ջարդերու զոհ:

Այս նիւթին վերաբերեալ իր ելոյթին Սաբահն ըսեր է, որ սուրիացիները միւսներէն լաւատեղեակ են այս անասելի յանցագործութեան, քանի որ անոնք նոյն յանցագործին կողմէ իրականացուած սարսափելի ահաբեկչութեան եւ յանցագործութիւններուն թիրախը եղած են:

Ան աշխարհի բոլոր երկրներուն կոչ ըրած է դատապարտելու ցեղասպանութիւնը եւ չանտեսելու զայն:

 

Input your search keywords and press Enter.