Բեռլինի մէջ տեղի ունեցեր են հայ-գերմանական բարձր մակարդակի բանակցութիւններ

Բեռլինի մէջ տեղի  ունեցեր է Հայաստանի վարչապետ Նիկոլ Փաշինեանի եւ Գերմանիոյ կանցլեր Անգելա Մերկելի հանդիպումը:

Ինչպէս տեղեկացուցին ՀՀ վարչապետի աշխատակազմի տեղեկատւութեան եւ հասարակայնութեան հետ կապերու  վարչութենէն, Գերմանիոյ կանցլերը ողջուներ եւ կարեւորեր է ՀՀ վարչապետի այցը։ Տիկին Մերկելը նշեր է, որ իր երկրի կառավարութիւնը պիտի շարունակէ տարբեր ուղղութիւններով իր աջակցութիւնը հայկական կողմին։

Հանդիպման ընթացքին կողմերը քննարկեր են տարբեր, այդ թուին` արդիւնաբերութեան, ենթակառուցուածքներու, զբօսաշրջութեան, տեղեկատուական տեքնոլոգիաներու, կրթութեան ոլորտներէն ներս համագործակցութեան վերաբերող հարցեր:

Անգելա Մերկելը Գերմանիոյ կառավարութեան աջակցութիւնն  յայտներ է Հայաստանի մէջ իրականացուող դատաիրաւական բարեփոխումներուն եւ կարեւորեր է ժողովրդավարական ինստիտուտներու զարգացման ուղղութեամբ ՀՀ կառավարութեան կողմէ իրականացուող քայլերը:  

 

Input your search keywords and press Enter.