Երեւանի մէջ կը մեկնարկէ «Դալի եւ Պիկասօ» ցուցահանդէսը

Պաբլօ Պիկասոյի եւ Սալվադոր Դալիի աշխատանքները կը ցուցադրուին Հայաստանի ազգային պատկերասրահին մէջ Մարտի 7–էն Ապրիլի 26–ը։

Հայաստանի ազգային պատկերասրահն ու Ազգերու արուեստ հիմնադրամը կը ներկայացնեն «Դալի եւ Պիկասօ» ցուցահանդէսը: Կը ցուցադրուին Սալվադոր Դալիի եւ Պաբլօ Պիկասոյի շուրջ 300 ստեղծագործութիւն՝ մեկենաս եւ հաւաքորդ Ալեքսանդր Շադրինի սեփական հաւաքածուէն:

Ցուցահանդէսը երկու մեծագոյն արուեստագէտներու իւրօրինակ երկխօսութւնն է, արուեստագէտներ, որոնք իրենց կենդանութեան օրով այդպէս ալ համատեղ ցուցահանդես չեն ունեցած: Սալվադոր Դալին Փարիզեան յառաջապահներու խառնարան մուտք գործեր է Պիկասոյի շնորհիւ: Անոնց առաջին հանդիպումը կայացեր է 1926 թուականին՝ Պիկասոյի արուեստանոցէն ներս:

Input your search keywords and press Enter.