Ստեփանակերտի մէջ կը կազմակերպուի միջազգային գիտաժողով

Ստեփանակերտի «Մեսրոպ Մաշտոց» համալսարանի նախաձեռնութեամբ Մարտի 14-ին կը կազմակերպուի «Պատմութիւն եւ քաղաքականութիւն. կեղծարարութիւն, ատելութիւն, առասպելաստեղծութիւն» խորագիրով միջազգային գիտաժողով:

Ասոր մասին «Արցախպրես»-ի թղթակիցին հետ զրոյցի ժամանակ ըսեր է «Մեսրոպ Մաշտոց» համալսարանի կովկասագիտութեան կեդրոնի գիտաշխատող Յովիկ Աւանէսովը:

Անոր խօսքով՝ գիտաժողովին պիտի մասնակցին Արցախի, Հայաստանի եւ Ռուսաստանի Դաշնութեան համապատասխան ոլորտի ներկայացուցիչները, ովքեր հանդէս պիտի ուգան  զեկոյցներով:

«Գիտաժողովի նպատակն է անգամ մը եւս գիտական փաստերու հիման վրայ հակադարձել Ատրպէյջանի կեղծարարութեան, հակահայկական քարոզչութիւններուն եւ հայատյաց քաղաքականութեան»,-մասնաւորապէս ըսեր է Յովիկ Աւանէսովը:

 

Input your search keywords and press Enter.