ԱՐԵՒՄՏԵԱՆ ՀԱՅԱՍՏԱՆ — Պահպանելով COVID 19-ի տարածման վերաբերող նախազգուշական ցուցումները՝ Արեւմտեան Հայաստանի պատուիրակութիւնը, Նախագահ Արմենակ Աբրահամեանի եւ ԱԺ պատգամաւոր Սիմօն Տարօնեանի գլխաւորութեամբ, կրցան ուղեւորուիլ Ֆրանկֆուրտ՝ Գերմանիա, նախքան սահմաններուն փակումը:

Պատուիրակութեան ընդուներ է Սուրիայէն եկած հայերու հզօր համայնք մը։ Անոնք ցանկութիւն յայտներ են հանդիպելու Նախագահ Արմենակ Աբրահամեանին հետ, որն յայտնի է Սուրիոյ հայ եւ քրիստոնեայ բնակչութեան պաշտպանութեան գործին  իր նուիրուածութեամբ:

Մօտ 100 անդամէ բաղկացած գիտաժողովը տեւեց աւելի քան վեց ժամ: Ան թոյլ տուաւ ներկայացնելու Արեւմտեան Հայաստանի ազգային խորհուրդի ձեւաւորման պատմութիւնն ու անոր ծագման հետ կապուած Արցախեան պատերազը։ Արմենակ Աբրահամեանը խօսեցաւ նաեւ կառավարութեան եւ Արեւմտեան Հայաստանի խորհրդարանի ձեւաւորման մասին:

Հանդիպման ընթացքին ընդգծուեցաւ նաեւ Արեւմտեան Հայաստանի հայ կամաւորներու նուիրուածութիւնը Սուրիոյ հայ բնակչութեան պաշտպանութեան եւ Ղամիշլիի մէջ ռազմական ակադեմիայի ստեղծման գործին:

Խօսուեցաւ Սուրիոյ մէջ մեծ թիւով հայերու մասին՝ տարբեր հաւատքէ եւ հասարակական տարբեր օղակներէ, ընդգծելով Սուրիոյ հայերու վիճակագրական տուեալներուն կեղծումը՝ տարածուած որոշակի խումբերու կամ քաղաքական շրջանակներու կողմէ, որոնք կը ցանկանան սահմանափակել այդ թիւը: 

Ստոյգ տուեալները հնարաւորութիւն տուին քննարկելու Հայաստանի Հանրապետութիւն ապաւինած Սուրիոյ հայերու վիճակը, որոնց անունները հայերէն չեն հնչեր, եւ անոնց ընդունման վերաբերեալ  կանոնադրական պայմաններուն հարցը:

Հանդիպման աւարտին ներկաները Արեւմտեան Հայաստանի ուժերուն միանալու միաձայն ցանկութիւն յայտնեցին, ինչն ալ աւարտուեցաւ տուեալներու փոխանակումներով, եղբայրութեան եւ համերաշխութեան հարուստ զգացմունքներով։

Input your search keywords and press Enter.