Երաժշտասէրները կրնան առցանց դիտել Օպերային թատրոնի ներկայացումները

Ալեքսանդր Սպենդիարեանի անուան օպերայի եւ բալետի ազգային ակադեմիական թատրոնի ներկայացումները հասանելի կը դառնան թատրոնի «Ֆէյսբուք»-ի պաշտօնական էջէն:

«Արմենպրես»-ի հաղորդմամբ՝ ասոր մասին հաղորդագրութիւն տարածեր է թատրոնի տնօրէն եւ գեղարուեստական ղեկավար Կոնստանտին Օրբելեանը:

«Յարգելի բարեկամներ, տեղեակ էք, որ հանրապետութեան բոլոր թատրոններն ու համերգասրահներն այս ընթացքին փակ են։ Այս ժամանակահատուածին կը ցանկանամ, որ դուք հնարաւորութիւն ունենաք մեր ֆէյսբուքեան պաշտօնական էջին միջոցով դիտելու մեր օպերային, բալետային ներկայացումները, համերգները, եւ ծանօթանալու մեր հիանալի արտիստներու կենսագրական նիւթերուն։ Մենք կը մտածենք ձեր մասին, եւ յոյս ունինք, որ շատ շուտով կը հանդիպինք մեր թատրոնէն ներս»,-նշեր է Օրբելեանը:

Input your search keywords and press Enter.