SANA News լրատուական գործակալութիւնը կը յայտնէ, որ Հալէպ նահանգի Թէլ Ռիֆատ շրջանին կրկին զինուած բախումներ տեղի ունեցեր են քրդական խմբաւորումներուն եւ Անկարայի կողմէ հովանաւորուող ուժերուն միջեւ: Թիւրքիոյ դաշնակիցները հրետանային կրակ բացեր են Մարանազի, Ալ-Մալիքիայի եւ Ալ-Ալկամիայի բնակավայրերուն վրայ: Հրետակոծութեան  հետեւանքով տուժեր են այս քաղաքներու բնակելի թաղամասերը, սակայն զոհեր բարեբախտաբար չկան։

Թրքական երեք ռազմական շարասիւն՝ ընդհանուր առմամբ բաղկացած 90 միաւոր զրահապատներէ, վերադիրքաւորուեր է Իդլիբի հարաւին։ Քիչ անց տեղեկութիւն տարածուեր է, որ ռազմական շարասիւներէն մէկը յարձակման ենթարկուեր է «Հուրես ադ դին» խմբաւորման զինեալներուն կողմէ։ Դէպքը տեղի ունեցեր է Մուխամբալ բնակավայրի մօտակայքին։ Կը հաղորդուի երկու սպաննուած թիւրք զինուորականերու եւ շուրջ մէկ տասնեակ վիրաւորներու մասին։

 

Input your search keywords and press Enter.