Ազգային պատկերասրահին մէջ բացուած «Դալի եւ Պիկասո» ցուցահանդէսը կ՛երկարաձգուի

«Դալի եւ Պիկասո» ցուցահանդէսը, ուր  ներառնուած են երկու մեծերու աւելի քան 200 աշխատանքներ՝ քանդակներ, խեցեղէն, գրաֆիկական եւ հախճապակեայ գործեր՝ «Ազգերու արուեստ» հիմնադրամի նախագահ, մեկենաս եւ հաւաքորդ Ալեքսանդր Շադրինի անձնական հաւաքածոյէն՝ պիտի երկարաձգուի:

«Արմենպրես»­ի թղթակիցին հետ զրոյցին՝ ասոր մասին յայտնեց Հայաստանի ազգային պատկերասրահի մամուլի ծառայութեան պատասխանատու Անոյշ Նիկողոսեանը:

«Պատկերասրահի տնօրէն Արման Ծատուրեանը համաձայնութեան եկեր է ցուցահանդէսը երկարաձգելու շուրջ՝ հաւաքորդ Ալեքսանդր Շադրինին հետ: Բայց մենք չենք կրնար յստակ ըսել, թէ ցուցադրութիւնը որքան ժամանակով պիտի երկարաձգուի: Այդ պայմանաւորուած է կորոնավիրուսի տարածման հետեւանքով երկրէն ներս ստեղծուած իրավիճակով»,-նշեց Նիկողոսեանը:

Input your search keywords and press Enter.