Կորոնավիրուսը եւ Արեւմտեան Հայաստանը

ԱՐԵՒՄՏԵԱՆ ՀԱՅԱՍՏԱՆ — Թիւրքիան կ՛ընդլայնէ իր զննողական միջոցառումները՝ առանց մեկուսացման հրաման կամ պաշտօնական կարանտին յայտարարելու: Թիւրքիոյ եւ Արեւմտեան Հայաստանի տարածքին բնակող բնակչութեան կարգապահութիւնը հնարաւորութիւն կուտայ խուսափելու կորոնավիրուսի հետ կապուած պարետային ժամէն:

Գրաւեալ Արեւմտեան Հայաստանի տարբեր շրջաններուն պարետային ժամ գոյութիւն ունէր ամբողջ 2019 թուականի ընթացքին, այն ժամանակ, երբ «Կորոնավիրուսի» մասին խօսք անգամ չկար:

Այնուամենայնիւ, կարելի է նշել, որ ցաւօք Թիւրքիոյ մէջ զոհերուն թիւը այսօր կը կազմէ 9 մարդ, եւ 670 մարդ վարակուած է կորոնավիրուսով:

Արեւմտեան Հայաստանն ըլլալով բացառիկ, եւ հաստատելով Եդեմական պարտէզի սրբազան կանոնը՝ մինչեւ օրս այնտեղ կորոնավիրուսի պատճառով վարակման կամ մահուան դէպք չէ գրանցուած, թէեւ «պատահական մահուան» դէպքեր տեղի կ՛ունենան այլեւայլ պատճառներով:

Այնուամենայնիւ, հայկական Նոր տարուայ եւ գարնանային գիշերահաւասարի գալստեան այս օրուան հետ մէկտեղ` ձիւնհալէն եւ ջերմաստիճանի բարձրացումէն յետոյ, Արեւմտեան Հայաստանի տարածքին միայն պիտի զարգանայ գործունէութիւնը, նոյնիսկ եթէ այս տարի զբօսաշրջութիւնը մեծ հարուած հասցնէ, ինչպէս բոլոր երկիրներուն՝ այնպէս ալ Արեւմտեան Հայաստանին:

Ուստի մենք կրնանք Արեւմտեան Հայաստանի մեր բնակչութեան խորհուրդ տալ՝ զգօն մնալու, ուշադրութիւն դարձնելու եւ հետեւելու վարակի տարածման կանխարգիլման պարզ կանոններուն: Առողջութիւնը պահպանելու համար պէտք է սնուիլ հաւասարակշռուած եւ բնական սնունդով, կատարել կանոնաւոր ֆիզիկական վարժութիւններ, շնչառական վարժութիւններ, ինչպէս եւ զբաղիլ ինքնակեդրոնացմամբ:

Input your search keywords and press Enter.