Հայ գործարար եւ մեծ բարեգործ Գալուստ Սարգիսի Գիւլբենկեանը ծնած է 1869թ․-ի Մարտ 23-ին՝ Կոստանդնուպոլսոյ մէջ։ Ան մեծ դեր ունեցած է Միջին Արեւելքի նաւթի պաշարները Արեւմուտքի շահագործմանն հասանելի դարձնելու գործին մէջ։ Գալուստ Գիւլբենկեանը ընտրած է նաւթագէտ-հանքաբանի մասնագիտութիւնը։ Ան կրթութիւն ստանալով Եւրոպական յայտնի համալսարաններէն ներս՝ տիրապետեր էր ութ լեզուի։ Դեռ 1860 թուականին՝ Գալուստի հայր Սարգիս Գիւլբենկեանը աշխոյժ մասնակցութիւն ունեցած է նաւթարդիւնաբերութեան ոլորտէն ներս, ան քանի մը նաւթային ընկերութիւններու սեփականատէր դարձած է Կովկասի մէջ, յատկապես Բաքուի, իսկ 1880 թուականէն ան ներկայացնուցած է Ալեքսանդր Մանթաշեւի միջազգային կազմակերպութիւնը Օսմանեան կայսրութեան մէջ։ 1915 թուականի ցեղասպանութենէն ետք՝ Միջագետքի մէջ տարածքներ ձեռք բերած է փախստականներուն ապաստան տալու համար։ Առաջին համաշխարհային պատերազմին ժամանակ, Գիւլբենկեանը ստեղծած է Նաւթային գլխաւոր կոմիտէ։ Ան նաւթային հողատարծքներ ունեցած է Վենեսուելլայի, Իրանի, Իրաքի, Սէուդական Արաբիոյ, Միացեալ Արաբական Էմիրութիւններուն մէջ, մօտիկէն ծանօթ եղած է սուլթանական եւ պարսկական արքունիքիներու օրինական ու ոչ օրինական ելումուտին։ Ան իր ձեռքին պահած է խոշոր նաւթային ընկերութիւններու լծակները։ Ան տնօրինած է արուեստի արժէքաւոր հաւաքածու մը, ուր տեղ գտած են շուրջ 6․000 բնօրինակ նմուշներ։ 1920 թուականէն մինչեւ 1940 թուականը՝ ան իր հովանիին տակ վերցուցած էր Թիւրքիոյ, Սուրիոյ, Լիբանանի, Յորդանանի եւ Իրաքի հայկական դպրոցներն ու բժշկական կեդրոնները, ձեռնարկած է Միջին Արեւելքի բազմաթիւ եկեղեցիներու կառուցումը։ 1936 թ.-ին Գիւլբենկեանը 400 հազար դոլարի օգնութիւն տուած է Մայր Աթոռ Սուրբ Էջմիածինին։ Գալուստ Գիւլբենկեանը մահացեր է 1955 թ.-ի Յուլիս 20-ին, ութսունվեց տարեկան հասակին՝ Լիսբոնի մէջ: Անոր մարմինը հողին յանձնուած է Լոնդոնի Սուրբ Սարգիս եկեղեցիի տարածքին:

Input your search keywords and press Enter.