Այսօր Կարօ Քահքէջեանը կը դառնար 58 տարեկան

Կարապետ (Կարօ) Քահքէջեանը (Սպիտակ Արջ), ծնած է Հալէպ, 1962 թ.-ի Մարտ 24-ին —   մահը’ 1993 թ.-ի Յունիս 26-ին «Պուշկենռալ» բարձունքին, Մարտակերտի շրջան): Ան եղած է ազատամարտիկ, Խաչակիրներ կամաւորական ջոկատի հիմնադիր-հրամանատարը։ Ան 1978 թուականին անցեր է Գերմանիա, ուր սորվեր է ճարտարապետութիւն’ Ֆրանկֆուրտի ճարտարագիտական համալսարանի մեքանիկամեքենաշինական ֆակուլտետին մէջ։ Ապա հաստատուեր Կալիֆոռնիոյ Ֆրեզնօ քաղաքին մէջ։ Լիբանան ապրած տարիներուն մասնակցեր է Բէյրութի հայկական թաղամասի ինքնապաշտպանական մարտերուն։

1988 թուականի Սպիտակի երկրաշարժին ժամանակ եկեր է Հայաստան’ օգնելու նպատակով։ Շահէ Ա. Աճեմեանին հետ կազմեր է Խաչակիրներ ջոկատը։ 1991-1993 թուականներուն մասնակցեր է Հայաստանի Արարատի, Տաւուշի, Արցախի Ասկերանի, Մարտակերտի, Քարվաճառի շրջաններու, Բերդաձորի ենթաշրջանի ինքնապաշտպանական եւ ազատագրական մարտերուն։ «Պուշկենեալ» բարձունքի ազատագրման ժամանակ՝ մինչեւ հիմնական ուժերուն յարձակումը, իր ջոկատով մարտնչեր է հակառակորդի գերակշռող ուժերուն դէմ, պահպաներ է բարձունքը բայց մարտի ընթացքին զոհուեր է։

Անոր աճիւնը ամփոփուած է Եռաբլուրի տարածքին, ուր կանգնեցուած է անոր յուշարձանը

Input your search keywords and press Enter.