ՀՀ ԱԳՆ հայտարարություն է տարածել Ադրբեջանի առաջին հանրապետության կողմեն Շուշիի հայ ժողովուրդին դեմ կատարուած ջարդերի 100-ամյա տարելիցի կապակցությամբ

Ինչպէս կը տեղեկացնեն ՀՀ արտաքին գործոց նախարարութեան լրատւութեան եւ հանրային դիւանագիտութեան վարչութենէն, թէ. «Այսօր մենք կը միանանք Արցախի մեր հայրենակիցներուն, եւ անոնց հետ մէկտեղ կ՛ոգեկոչենք մէկ դար առաջ Շուշիի մէջ հայերու դէմ կատարուած ջարդերու բազմահազար զոհերու յիշատակը: Հարիւր տարի առաջ Ատրպէյջանի առաջին հանրապետութեան զինուած ստորաբաժանումները փորձեցին զէնքի ուժով եւ խաղաղ բնակչութեան զանգուածային ոչնչացմամբ՝ լուծել արդէն իսկ միջազգային օրակարգ մտած Ղարաբաղի հարցը:

Ասոր արդիւնքով այրեցաւ եւ ոչնչացուեցաւ հայկական Շուշին, որ տարածաշրջանի տնտեսական, հոգեւոր եւ մշակութային մեծ կեդրոն էր: Այնուհանդերձ, հուրով եւ սուրով Արցախն Ատրպէյջանի առաջին հանրապետութեան մասը դարձնելու ծրագիրը տապալուեցաւ:

Այսօր, այդ դէպքերէն հարիւր տարի անց՝ մենք մեր յարգանքի տուրքը կը մատուցենք բոլոր անմեղ զոհերու յիշատակին, եւ կ՛ընդգծենք հայ ժողովրդի ազատ հայրենիքի մէջ ապրելու եւ արարելու վճռականութիւնը»:

Input your search keywords and press Enter.