ԱՐԵՒՄՏԵԱՆ ՀԱՅԱՍՏԱՆ — Covid-19-ի ալիքի զարգացումով՝ Սուրիոյ մէջ անոր առաջին դէպքը նոր յայտնուեր է, եւ ԱՄՆ/ՆԱՏՕ առանցքը ակնյայտօրէն այն առիթին կը սապսէ՝ երբ ան բաւարար չափով կը զարգանայ հոն, որպէսզի անմիջապէս յարձակի Սուրիոյ մէջ գտնուող ռուսական ռազմախարիսխներուն վրայ:

Յատկապէս որ Անկարայի ձեռքէն կը սկսի դուրս գալ Իդլիբի իրավիճակը, ուր ահաբեկիչները այդքան երկար ժամանակ կը խնամուէին «սուլթան»-ին կողմէ, եւ անոնք  վերջին օրերուն բազմապատկեր են իրենց գրոհները թրքական բանակին դէմ՝ նախ իրենց «ճղճիմ աշխատավարձ»-ին պատճառով, նաեւ քանի որ արդէն հոգներ են թրքական ուժերուն համար օգտագործուելէ՝ որպէս թնդանօթներու կեր։ Որոշ վերլուծաբաններ այս նոր երեւոյթին տակ նոյնիսկ կը տեսնեն  ժամանակային ռումբ մը, որ կրնայ պայթիլ Անկարայի դէմ, ով կ՛արհամարհէ իր կնքած զինադադարը Պուտինի հետ, եւ կը շարունակէ բազմապատկել իր դիտորդական կէտերը Ջըսըր ալ-Շուղուրի մէջ, որովհետեւ սա ճիշդ այնտեղն է՝ ուրկէ պիտի սկսի Իդլիբի նոր ճակատամարտը: Աւելին, այս ճակատամարտին մասին է, որ Երկուշաբթի օրը Դամասկոսի մէջ զօրավար Սերգէյ Շոյգուն՝ Ռուսաստանի պաշտպանութեան նախարարը, խօսեցաւ նախագահ Ասադի հետ:

ՆԱՏՕ-ի այս ներճամբարային լարուածութեան ֆոնին դէմ է, որ առաջին խոշոր բալեստիկ հարուածը կատարուեցաւ ակնյայտօրէն Միջերկրական ծովէն, որն ուղղուած էր Հըմէյմիմի եւ Ջեբլա քաղաքին՝ այս օդանաւային ռազմախարիսխին դէմ, ուր կը պատսպարուին հարիւրաւոր օդանաւներ, եւ կան S-400 հրթիռային մարտկոցներ՝ զորոնք ԱՄՆ-Իսրայէլ առանցքը երեք տարիէ ի վեր կը փորձէ «վնասազերծել»:

Արդեօ՞ք պատրաստ վիճակի բերուած է S-400-ը: Al Masdar News-ը կը նշէ, որ «Ռուսաստանի զինուած ուժերը աշխուժացուցեր են ռազմակայանի սուրիական-ռուսական հակաօդային մարտկոցները՝ մեծ յարձակման փորձին հետեւանքով», որուն հնարաւոր է, որ ներգրաւուած ըլլան «հուժկու անօդաչու սարքեր» կամ «հրթիռներ»:

Մինչ այդ՝ այս տեսակ հարուածները կը հասցուէին Իդլիբ-Լաթաքիա առանցքէն, յայտնի  HTC-ի եւ Al-Turkistani կուսակցութեան ահաբեկիչներուն կողմէ գրաւուած M4-ի ուղղութենէն: Թէեւ առանցքը դեռ գրաւուած կը մնայ այդ նոյն մարդկանց կողմէ, ովքեր կը հրաժարին զայն լքելէ, ուստի եւ հնարաւոր է, որ յարձակումը անոնց գործը ըլլայ: Բայց հաշուի առնելով յարձակման ուժգնութիւնը՝ կարելի է մտածել, որ զայն ղեկավարեր են գլխաւոր այն ուժերը, որոնք ահաբեկիչներուն լարերը կը քաշեն՝ որպէսզի ՆԱՏՕ-ին մղեն Իդլիբ զօրքեր ուղարկելու:

Յիշեցնենք, որ ԱՄՆ-ՆԱՏՕ-ի նոր ճակատ բանալու փորձերը Եփրատի արեւելքին գտնուող Հասաքէի շրջանին՝ ուր Ղամիշլիի ռուսական խարիսխը այնտեղի վերջին իրական հացահատիկը կը յանձնէ աղալու, Թիւրքիան անընդմէջ երկրորդ օրն ըլլալով կտրած է խմելու ջուրը բնակչութեան՝ որպէսզի զանոնք հրահրէ Սուրիական բանակի եւ Ռուսաստանի զօրքերուն դէմ: Սակայն Երկուշաբթի օրը տեղի ունեցաւ շատ նշանակալի դէպք մը, որ պէտք է մտածելու տեղիք տայ Ամերիկացիներուն: «Զինուած ըլլալով  հակահրասայլային ATGM հրթիռներով՝ Սուրիական բանակը վճռականօրէն ետ մղեց Ամերիկեան զօրքերու պարեկութիւնը, որ կը փորձէր մուտք գործել սուրիական եւ ռուսական բանակի վերահսկողութեան տակ գտնուող տարածքը, ուրկէ ալ երկրի կեդրոն՝ որտեղ տեղակայուած են ռուս եւ սուրիացի զինուորականներ: Ըստ Avia-Pro-ի՝ սուրիական բանակը վճռականօրէն որոշեր է կրակ բանալ ԱՄՆ-ի զինուած ուժերէն բաղկացած 11 զրահապատ մեքենայի եւ ծանր սարքերուն վրայ, եթէ անոնք չհրաժարէին երենց ուղիէն:

Սուրիական եւ ռուսական բանակին մօտիկ կանգնաշ աղբիւրները կը պնդեն, որ ռուս-սուրիական օդուժը Չորեքշաբթի օրը՝ Մարտի 25-ին, կը վերսկսի իր հարուածները Իդլիբի դէմ, Մ4 մայրուղին վերջնականապէս մաքրելու համար: Ըստ թրքական Յորուք Իսիկ ծովային աստղադիտարանի խօսքին, որ կանգնած է Աթիլգանի հրթիռային մարտկոցներուն հետ, զորոնք Անկարան այս շաբաթ Իդլիբ բերաւ, թէ ռուս գործընկերոջ զէնքերը շուտով հոն կը հասնին: Ռուսական յարձակողական նաւերու 197-րդ նաւատորմի LST ORSK 148-ն Կիրակի օր անցաւ Բոսֆորի նեղուցը եւ մտաւ Միջերկրական ծովի ջուրերը:Անշուշտ կ՛ըսուի, որ այդ նաւը զէնք ու ռազմական մեքենաներ կը տեղափոխէ Սուրիա, մինչդեռ սուրիական արաբական բանակը կը պատրաստուի վերսկսելու իր յարձակողական գործողութիւնները Իդլիբի վրայ: 

Չորեքշաբթի օր, ամսի 25-ին կը վերջանայ Ռուսաստանի վերջնագիրը  թիւրքերուն, վերջնագիրը որ Անկարայէն կը պահանջէ բանալ ռուսական պարեկային ծառայութեան համար նախատեսուած M4-ի անցուղին: Երեքշաբթի առաւօտեան հրթիռային կամ միաժամանակեայ անօդաչու թռչող սարքերու վայրագ հարուածը՝ անկասկած կ՛արագացնէ իրերու ընթացքը:

Ըստ որոշ վերլուծաբաններու՝ Ռուսաստանի պաշտպանութեան նախարարին այցը Դամասկոս, լաւ բան չի բերեր հակառակ ճամբարներուն համար, քանի որ որոշակի ռուսական ռազմական շրջանակներ կ՛ենթադրեն, որ կրնան ռուսական հրասայլեր ուղարկուիլ դէպի Թիւրքիոյ սահմաններ, որովհետեւ Ռուսաստանի զօրամասերը պատրաստ են ուղեւորուելու դէպի Թիւրքիոյ սահմանները: Այլապէս մենք կը խօսինք հրասայլային գումարտակներու մասին՝ Էրդողանի զօրքերը զսպելու համար, նոյնիսկ կը քննարկուի վրացական սահմանը հատելու նախագիծը, — հաստատեր է Քաղաքական եւ ռազմական վերլուծութիւններու ինստիտուտի փոխտնօրէն Ալեքսանդր Խրամչիխինն իր յօդուածով, որն հրապարակուեր է Courrier ռազմարդիւնաբերական թերթով:

«Այս նախագիծը կատարելապէս հասկնալի է: Անկարան կրնայ հակամարտութիւն հրահրել Լեռնային Ղարաբաղի դէմ՝ ուղղակիօրէն աջակցելով Բաքուի յարձակողական գործողութիւններուն։ Ինչո՞ւ չկանխատեսել։ Այդ պարագային՝ Ռուսաստանը ստիպուած կ՛ըլլայ օգնութիւն ցուցաբերելու Հայաստանին, քանի որ երկիրը ՀԱՊԿ-ի անդամ է: Թիւրքիոյ կողմէ Գիւմրիի հայկական սահմանին տեղակայուած ռուսական 102-րդ յենակէտին սպառնացող սպառնալիքը (նշուած է քարտէսին վրայ) կը ստիպէ ռուսական բանակին՝ օգնութիւն ցոյց տալու Վրաստանի տարածքով, քանի որ պարզապէս չկայ այլ երթուղի:Այս տեսակէտը կատարելապէս արդարացուած է, քանի որ Թիւրքիան սպառնացեր է թիրախաւորելու ռուսական ռազմական ինքնաթիռները Իդլիբի վրայ», — ըսաւ վերլուծաբանը: Հարց մը․ Էրդողանը կրնա՞յ երթալ մինչեւ այդ քայլը:

Input your search keywords and press Enter.