Արցախի մէջ այսօր նախագահական եւ խորհրդարանական ընտրութիւններ են

Այսօր՝ Մարտի 31-ին, Արցախի մէջ առաջին անգամ կը կայանան միաժամանակ երկու համապետական նշանակութիւն ունեցող ընտրութիւններ՝ նախագահական եւ խորհրդարանական:

Արցախի 4-րդ նախագահի պաշտօնը ստանձնելու համար յայտ ներկայացուցեր են նախագահութեան 14  թէկնածուներ:

Համապետական ընտրութիւններով կը ձեւաւորուի եօթերորդ գումարման ԱՀ Ազգային ժողովը: Պատգամաւորական 33 աթոռի համար մասնակցութեան յայտ ներկայացուցեր են 10 կուսակցութիւններու դաշինքները:

Ընտրութիւնները կը կայանան Արցախի բոլոր 228 համայնքներուն մէջ, ընտրական իրաւունք ունի 103 հազար 663 ընտրող:

Input your search keywords and press Enter.