2020 թուականի Ապրիլի 24-ին նուիրուած արարողութիւններ

Յարգելի հայրենակիցներ,

Այսօր պէտք է ուղերձ յղեմ ձեզի՝ կապուած Ապրիլի 24-ի արարողութիւններուն հետ, որոնք այս տարի պէտք է տեղի ունենային ամբողջ աշխարհով, ներառեալ Արեւմտեան Հայաստանի մէջ:

Իսկապէս, աշխարհը ներկայիս կը  հանդիսանայ համաճարակի զոհ, որն վարակային աղետի վտանգէն պաշտպանուելու համար, կասկածի տակ կը դնէ հաւաքական արարողութիւնները` ի յիշատակ 1894 թուականէն մինչեւ 1923 թուական Արեւմտեան Հայաստանի մէջ Թիւրքիոյ երեք յաջորդական կառավարութիւններուն կողմէ իրականացուած ցեղասպանութեան զոհերուն: 

Սակայն, հաւաքական արարողութիւններու կազմակերպման արգելքը չի նշանակեր, որ մենք չենք կրնար մեր յարգանքի տուրքը մատուցել զոհերու յիշատակին անհատական հիմքերով:

Արդէն քանի մը տասնամեակէ ի վեր որպէս յիշատակի արարողութեան  մաս, շատ հայեր Ապրիլի 24-ին ծոմ կը պահեն: Այս գործողութիւնը ցոյց  կուտայ նաեւ ուժեղ ազգային համերաշխութիւնը, եթէ ան կը կատարուի մեծ թիւով մարդոց կողմէ:

Ուստի, մեր ցաւը մեր նախնիներու տառապանքներուն հանդէպ արտայայտելու համար կայ երկու եղանակ. առաջինը արտաքին եւ նիւթական մեթոդն է՝ համաշխարհային տարածման միջոցով  արտայայտելու մեր ժողովուրդի ցեղասպանութիւնէն ետք արդարութեան մեր ծարաւը, իսկ միւսը՝ ներքին ու հոգեւոր մեթոդն է, ծոմապահութեան եւ խոկումի միջոցով:

Անկախ ընտրուած մեթոդէն, դուք կրնաք տեսնել, թէ ինչպէս ողջ տարուան ընթացքին, ամբողջ աշխարհով՝ ներառեալ Արեւմտեան Հայաստանի մէջ,  հայ ժողովուրդը կ’արթննայ եւ կը պատրաստուի իր պահանջները ներկայացնելու յանուն ինքնիշխան եւ անկախ Արեւմտեան Հայաստանի:

Այս տարի Ապրիլի 24-ը մաս կը կազմէ Սեւրի պայամանգիրի հարիւրամեակին, եւ մեր ընդհանուր մտայնութեան մէջ պարզ է, որ մենք կրնանք հասնիլ յիշատակման՝ որուն արժանի է Արեւմտեան Հայաստանի հայ ազգը։

Արմենակ Աբրահամեան

Արեւմտեան Հայաստանի Հանրապետութեան Նախագահ 

Input your search keywords and press Enter.