Արեւմտեան Հայաստանի խորհրդարանի Ցաւակցութիւնները

ԱՐԵՒՄՏԵԱՆ ՀԱՅԱՍՏԱՆ — Մենք խոր ցաւով իմացանք պարոն Պիեռ Թիլբեանի յանկարծակի մահուան գոյժը, որ տեղի ունեցաւ Ուրբաթ օր` Ապրիլ 17-ին։ Արեւմտեան Հայաստանի խորհրդարանի անունով՝ մեր խորին ցաւակցութիւնները կը յայտնենք անոր ընտանիքին եւ ընկերներուն:

Ան Արեւմտեան Հայաստանի որդին էր, արմատներով Մարաշէն։ Պարոն Պիեռ Թիլբեանը 2018 թուականի Մարտ 24-ին արարողութեան մը ընթացքին դարձաւ Արեւմտեան Հայաստանի քաղաքացի, երբ անոր յանձնուեցաւ իր պաշտօնական անձնագիրը։ ԱՆ կատարելապէս ըմբռնած էր Մայր հայրենիքին զինուորագրուելու ամբողջ խորհուրդը, եւ հասկցած էր, որ ամբողջ հայութեան փրկութեան վերջին հնարաւորութիւնը Արեւմտեան Հայաստանի վերականգնման ուղին էր, զոր ան ընտրեց եւ որուն հետեւեցաւ:

Ան նաեւ սրտանց ու իր ամբողջ աւիւնով մասնակցեցաւ Լիոնի Արեւմտեան Հայաստանի հայերու համագումարի հանդիպումներուն, որուն անդամն էր:

Պիեռ Թիլբեանի յիշատակը կենդանի պիտի մնայ սերունդներու գիտակցութեան մէջ՝ անոր յաւերժական օրինակելիութեան պատճառով:

Պարոն Լէոնարդօ Պասմաճեան՝ Արեւմտեան Հայաստանի Խորհրդարանի Նախագահ.

Տիկին ԼԻդիա Մարկոսեան՝ Արեւմտեան Հայաստանի Խորհրդարանի փոխնախագահ

Լիոն, 19 Ապրիլ, 2020 թ․

Input your search keywords and press Enter.