Տիկնայք եւ պարոնայք, պետութիւններու եւ կառավարութիւններու ղեկավարներ,

Սիրելի ընկերներ եւ հայրենակիցներ,

Շնորհակալ եմ ձեր հաւատարմութեան եւ համերաշխութեան համար՝ 1894-1923 թուականներուն հայ ժողովուրդի դէմ իրականացուած ցեղասպանութեան զոհերու յիշատակի այս օրուան առթիւ:

Համաճարակի պատճառով պայմանաւորուած իրավիճակէն ելլելով՝  այս տարի հաւաքական արարողութիւններ չեն ըլլալու:

Այնուամենայնիւ, 2020 թուականն առանձնայատուկ տարի է Արեւմտեան Հայաստանի եւ անոր պետական իրաւունքներուն համար՝ ճանչցուած աշխարհի ամենամեծ տէրութիւններուն կողմէ:

Այս տարին կը համապատասխանէ Սեւրի մէջ կնքուած Խաղաղութեան միջազգային պայմանագիրի հարիւրամեակին, որ կ’եզրափակէ Փարիզեան արուարձաններուն յայտնի հինգ պայմանագիրները, սկսած Վերսայլեան պայմանագիրէն, Սեն Ժերմենի հաշտութեան պայմանագիրէն, Նեուլիի պայմանագիրէն, Տրիանոնի պայմանագիրէն, եւ վերջապէս, Սեւրի պայմանագիրը:

Ահա թէ ինչու մենք որոշում կայացուցեր ենք յարգելու հայ ժողովուրդին դէմ իրականացուած ցեղասպանութեան զոհերուն յիշատակը, նաեւ Արեւմտեան Հայաստանի մէջ, ուր աւելի քան հարիւր տարի առաջ, սկսեցաւ իմ ժողովուրդիս դէմ ամենասարսափելի յանցագործութիւնը, այն է՝ ոչ միայն ոչնչացնել հայ բնիկ բնակչութիւնը, այլեւ զիրենք զրկել հայրենիքի գոյութեան բոլոր յոյսերէն:

Չբաւարարուելով այս ցեղասպանութեան փաստի ժխտմամբ, տուեալ յանցաւոր պետութիւնն ու անոր յանցակիցները արդարացուցեր են իրենց դիրքորոշումը՝ նշելով, որ չի կրնար ցեղասպանութիւն ըլլալ ժողովուրդի մը նկատմամբ, որ գոյութիւն չունի, այդպիսով ջնջելով յանցագործութիւնն ու անոր առարկան, ամբողջովին հասնելու ցեղասպանական նպատակին. այս ժողովուրդը այլեւս պէտք չէ գոյութիւն ունենայ … այս ժողովուրդը գոյութիւն չունի … այս ժողովուրդը երբէք գոյութիւն չէ ունեցած:

Ռեւիզիոնիզմը կ’ամբողջացնէ յանցագործութիւնը. ան կը կազմէ անոր երկրորդ փուլը` ջնջելով էթնիկ խումբ մը մարդկութեան պատմութենէն:

Այնուամենայնիւ, հակառակ բոլոր միջազգային չափանիշներուն եւ բարոյականութեան,  դահիճը, որ խախտեր է Արեւմտեան Հայաստանէն ներս ազգութիւններու յարաբերակցութիւնը ,պարգեւատրուեր է եւ դարձեր է ՄԱԿ-ի անդամ։

Մենք չենք կրնար դէմ ըլլալ Արեւմտեան Հայաստանի հայերու օրինական իրաւունքներուն, անոնց թիւը կրճատուեր է հետապնդումներէ, բնաջնջումներէ եւ ցեղասպանութենէն յետոյ, իսկ մեր տարածքները կը շարունակեն մնալ բռնագրաւուած:

Հետեւաբար, դատապարտելով մարդկութեան դէմ ուղղուած այս ոճրագործութիւնը, ես՝ որպէս մարդու իրավունքներու պաշտպան, դէմ եմ, որ այն շարունակուի ժամանակի ընթացքին: Անհրաժեշտ էր վերականգնել պետութիւնը, որու իրաւունքները խախտուեր են ՝ կրողներու բացակայութեան եւ այնպիսի չափանիշի բացակայութեան պատճառով, որ կոչ կ’ընէ ազգին վերահաստատելու զանոնք:

Եւ ահա թէ ինչու, այսօր, որպէս ժողովուրդ, մեր յաւերժական գոյութեան խորհրդանիշ,  Արեւմտեան Հայաստանի թոռները որոշում կայացուցեր են յարգելու իրենց ծնողներու զոհաբերութիւնը, ներառեալ այն հողին վրայ, ուր կատարուեր է այս յանցագործութիւնը, այս սրբազան հողին վրայ ՝ ոչ միայն յիշատակը յարգելու, այլ նաեւ ցոյց տալու մեր անսասան կամքը ըլլալու եւ պահպանելու մեր կարգավիճակը՝ որպէս այս մեծ ընտանիքի անդամը:

Տիկնայք եւ պարոնայք, կը ցանկանամ ձեզի յղել իմ երախտիքի խօսքերս, այն որակի եւ մեծութեան համար, որ դուք կը կարողանաք տալ 2020 թուականի Ապրիլ 24-ի ազգային եւ միջազգային այս յիշատակին:

Ես կը խոնարհիմ սիրելի հայրենակիցներ եւ ընկերներ, ձեր եղբայրութեան առջեւ:

Կեցցէն ազատ ազգերը,

Կեցցէ Արևմտեան Հայաստանը եւ կեցցէ հայ ժողովուրդը: Շնորհակալութիւն:

 

 24.04.2020

Արմենակ Աբրահամեան

Արեւմտեան Հայաստանի ազգային խորհուրդի նախագահ

Input your search keywords and press Enter.