«Ան երդումը պահեց, իմ երդումը դեռ կը մնայ». Արայիկ Հարութունեանը հուզուեցաւ՝ յիշելով զոհուած եղբորը տուած երդումը

Արայիկ Հարութունեանը իր երդմնակալութեան աւարտին հանդէս եկաւ խօսքով։ Պատմեց` 1988-ի փետրուարի 13-ին իր մեծ եղբայրը` Սամուելը, իրեն հարցուցած է, թէ պատրա՞ստ է զոհուիլ հանուն հայրենիքի։ Հարութունեանը պատասխաներ է` այո։

«Եղբայրս կատարեց իր երդումը, ես` դեռ ոչ»,–յուզուած ձայնով ըսաւ Հարութունեանը։

Արցախի նախագահի խօսքով` մի քանի հիմնական սկզբունքներ կան, որոնք ընդգրկուած են իր գործունէութեան սկիզբը։ Որոնցմէ առաջինը կը սահմանուի, որ մարդը բարձրագոյն արժեք է, իսկ պետութիւնը` բարձրագոյն արժեքին ծառայող հաստատութիւն։

Սկզբունքներէն յաջորդն ալ այն է, որ միացեալ հայրենիքի անվտանգութիւնը, տարածքային ամբողջականութիւնը ենթակայ չէ որեւէ վերապահման եւ սակարկման։ Հարութունեանի խօսքով` Արցախի բնակչութեան գլխին կախուած սուրը պէտք է համարել յաթաղան` ողջ հայութեան գլխին։ Նախագահն ըսաւ, որ պատրաստ են այդ յաթաղանը վերածել բահի, գրչի, խաչի, իսկ անհրաժեշտութեան պահին` նաեւ սուրի։

«Արցախը Հայաստան է, եւ վերջ» ելոյթի վերջը ըսաւ Արցախի նախագահի պաշտոնը ստանձնած Արայիկ Հարութունեանը կրկնելով Արցախեան ազատագրական պայքարի ղեկավարներու,Արցախի հերոս Լեոնիդ Ազգալդեանի խօսքերը,2019–ին օգոստոսի 5-ին ՀՀ վարչապետ Նիկոլ Փաշինեանի Ստեփանակերտի Վերածնունդի հրապարակին կազմակերպուած հանրահաւաքի ժամանակ հանդէս եկած էր ծրագրային ելոյթով եւ ըսած, թէ «Արցախը Հայաստան է, եւ վերջ»։

Հարութունեանի երդմնակալութեան արարողութեանը մասնակցեցաւ Հայաստանի պատուիրակութիւնը, որ կազմած էին  ՀՀ վարչապետ Նիկոլ Փաշինեանը եւ խորհրդարանի նախագահ Արարատ Միրզոեանը:

Յիշեցնենք, որ Արայիկ Հարութունեանը, որը նախկին ժամանակ կզբաղեցնէր վարչապետի պաշտոնը, իսկ այնուհետեւ կը ղեկավարէր «Ազատ հայրենիք» կուսակցութիւնը, ապրիլի 14-ին ընտրուեր է Արցախի նախագահ ՝ նախագահական ընտրութիւններու երկրորդ փուլի արդիւնքին: Ան փոխարինեց Բակո Սահակեանին, որը 12 տարի ղեկավարած էր Արցախը:

Input your search keywords and press Enter.