ԱՐԵՒՄՏԵԱՆ ՀԱՅԱՍՏԱՆ — Ազատագրական բանակի հրամանատար Հովսէփ Հովսէփեանի եւ գնդապետ Ազատագրական բանակ ՀԿ նախագահ Վոլոդեա Աւետիսեանի նախաձեռնութեամբ Արցախեան գոյամարտին ակտիվ մասնակցութիւն ցուցաբերած անհատներուն կը պարգեւատրեն Լեոնիդ Ազգալդեանի անուան յուշամետալով։

Օրերս հերթական յուշամետալը յանձնուեցաւ Արցախեան պատերազմի հերոս,Շուշիի ազատագրման  հրամանատար եւ գեներալ Արկադի Տէր Թադեւոսեանին (Կոմանդոս)։

Յանձնման արարողութեան ընթացքին, Վոլոդեա Աւետիսեանը, ազատագրական բանակի խումբ մը մարտիկները եւ Արցախեան պատերազմի մասնակիցները կիսուեցան իրենց յուշերով եւ յիշեցին իրենց անցած մարտական ուղին։

Իր երախտիքի խօսքին գեներալ Արկադի Տէր Թադեւոսեանը կարեւորէց այս նախաձեռնութիւնը եւ նշեց, որ Լեոնիդ Ազգալդեանը այն կերպարն է, որով պէտք է դաստիարակուի մատաղ սերունդը։

Գեներալ Արկադի Տէր Թադեւոսեանը բարձր գնահատեց վերջին շրջանին այն ակտիվութիւնը, որ կայ Լեոնիդ Ազգալդեանի անուան եւ յիշատակի շուրջ, սակայն հաւելեց ,որ այս ուղղութեամբ կան դեռ շատ կատարելիք գործեր։

Input your search keywords and press Enter.