«Հիացմունք կառաջացնէ Խաչատրեանի միջազգային մրցոյթի կազմակերպիչներու որոշումը». Մոսկուայի կոնսերուատորիայի ռեկտոր

Արամ Խաչատրեանի անուան 16-րդ միջազգային մրցոյթին իրենց ողջոյնի խօսքն  հղեր են բազմաթիւ յայտնի մշակութային գործիչներ։ Ռուսաստանի Դաշնութեան նախագահի միջազգային մշակութային համագործակցութեան հարցերով յատուկ ներկայացուցիչ Միխայիլ Շվիդկոյը‚ ողջունելով խաչատրեանական մրցոյթի մասնակիցներուն‚  կը նկատէ‚ որ թէեւ համավարակի պայմաններուն մրցոյթը կը կայանայ հեռավար‚ այնուամենայնիւ‚ պէտք է նկատել‚ որ ստեղծուած իրավիճակն ա՜լ աւելի  կընդլայնէ այս իրադարձութեան հետեւորդներու‚ ունկնդիրներու թիւը։

 Մոսկուայի Չայկովսկիի անուան կոնսերուատորիայի ռեկտոր Ալեքսանդր Սոկոլովը կը նշէ ․«Համավարակի պատճառով Եւրոպայի մէջ շատ միջազգային մրցոյթներ կա՜մ չեղարկուեցան ‚ կա՜մ հետաձգուեցան անորոշ ժամանակով։ Այդ կարելի է հասկնալ։ Սակայն ինձ մոտ հիացմունք  կառաջացնէ Խաչատրեանի միջազգային մրցոյթի կազմակերպիչներու որոշումը. չնայած խոչընդոտներուն՝ կայացնել մրցոյթը՝ ընդ որին‚ անոր հաղորդելով միանգամայն այլ տեսք‚ որը համահունչ է մեր ժամանակներու՝ 21-րդ դարի պահանջներուն։ Վստահ եմ‚ որ Արամ Խաչատրեանը կողջուներ նման համարձակ քայլը»։ Այս օրերեւն կը շարունակուի Խաչատրեանի անուան 16-րդ միջազգային մրցոյթի առաջին փուլը։ Մրցոյթի երկրորդ փուլը տեղի կունենայ հունիսի 12-13-ին‚ իսկ հունիսի 15-ին երրորդ՝ եզրափակիչ փուլին յայտնի կը դառնան մրցոյթի մրցանակակիրները։ Հաղթողը մրցոյթի պաշտոնական նուագախումբի՝ Հայաստանի պետական սիմֆոնիկ նուագախումբի հետ կը կատարէ Արամ Խաչատրեանի Ջութակի կոնցերտը։ Աշխարհի առաջին անգամ մենակատարը եւ նուագախումբը հանդէս կուգան հեռավար։

 

Input your search keywords and press Enter.