«Դրախտի դարպասը» ֆիլմն առաջին անգամ կը ներկայացուի Կաննի վիրտուալ կինոշուկային

Արմատներով արցախցի կինոռեժիսոր Ջիւան Աւետիսեանի «Դրախտի դարպասը» («Gate to Heaven») ֆիլմը հունիսին Կաննի վիրտուալ կինոշուկային առաջին անգամ կը ներկայացուի գնորդներուն եւ փառատոնի ծրագրաուորողներուն՝ ֆիլմի ֆրանսիական վաճառքի գործակալ «MPM Premium»-ի միջոցով:

 Այս մասին «Արցախպրես»-ի թղթակիցի հետ զրոյցի ժամանակ ըսեր է ֆիլմի ռեժիսորը՝ նշելով, որ «MPM Premium»-ը Կաննի վիրտուալ կինոշուկային մէջ պիտի իրականացնէ ֆիլմի երկու ցուցադրութիւն՝ հունիսի 22-ին  եւ  23-ին:

«Ինչպէս բոլոր տարիներուն, այս տարի ալ Կաննի կինոշուկայի մէջ ներկա պիտի գտնուին կինոարտադրողներ, դիստրի բիւտորներ՝ ամբողջ աշխարհէն, միայն թէ՝ օնլայն տարբերակով։«Դրախտի դարպասը» ֆիլմի համաշխարհային վաճառքի գործակալ «MPM Premium»-ը, որու հետ համաձայնագիրը ստորագրեր ենք մոտ 10 օր առաջ, մեզ հետ միասին պիտի աշխատի ֆիլմի առաջխաղացման աշխատանքներու ուղղութեամբ։ Քանի որ մեր նպատակն է գեղարուեստական բարձարժէք ֆիլմերու միջոցով աշխարհին ներկայացնել արցախեան հակամարտութեան մասին ճշմարտացի տեղեկութիւններ, ուստի ամենամեծ յաջողութիւնը մեզ համար կըլլայ այն, որ վաճառքի գործակալի միջոցով գտնուին դիստրի բիւտորներ՝ ֆիլմն ամբողջ աշխարհով տարածելու համար», — մասնաւորապէս ըսեր է Ջ. Աւետիսեանը:

Input your search keywords and press Enter.