«Սահմանը փոփոխելու պարագային կընդարձակոիի ոչ թէ անվտանգութեան տարածքը, այլ` Հայրենիքը». Արայիկ Հարութունեան

Այս մասին Մարտունիի շրջանի համայնքի ղեկավարներու հետ այսօր կայացած հանդիպմանն ըսած է Արցախի Հանրապետութեան Նախագահ Արայիկ Հարութունեանը:

Օրակարգային հարցերէն զատ, Հանրապետութեան Նախագահն անդրադարձեր է նաեւ Ատրպէյճանի նախագահ Իլհամ Ալիեւի՝ Արցախի Հանրապետութեան մասին երեկ հնչեցուցած յայտարարութեանը, որը կը խտացնէր նիւթի վերաբերեալ անոր կառավարման ողջ շրջանի հռետորաբանութիւնը:

«Արցախի Հանրապետութեան գոյութիւնը անհերքելի իրողութիւն է, որը չընդունելը, անոր ժողովուրդի ինքնորոշման իրաւունքի իրացման փաստի հետ հաշուի չնստելը հաւասարազոր է առնուազն ԵԱՀԿ Մինսկի խումբի միջնորդական ջանքերը մերժելուն:

Հակադարձելով մեր ժողովուրդի ու պետականութեան ֆիզիկական գոյութեան նկատմամբ ցանկացած սպառնալիքի՝ մէկ անգամ եւս կը հաստատեմ մեր վճռականութիւնը, որ Պաշտպանութեան բանակը, թիկունքին ունենալով հայ ժողովուրդի անվերապահ աջակցութիւնը, պատրաստ է ոչ միայն պաշտպանելու մեր երկրի տարածքային ամբողջականութիւնն ու ժողովրդի անվտանգութիւնը, այլեւ, անհրաժեշտութեան դէպքին, հակահարուածելու հակառակորդին, աւելին՝ մենք պատրաստ ենք վերադարձնել Արցախի Հանրապետութեան գրաւեալ տարածքները Աըրպէյճանէն: Մեր ժողովուրդի պատմական հայրենիքին մէջ ապրելու եւ արարելու անձեռնմխելի իրաւունքը սակարկման ենթակայ չէ»,- մասնաւորապէս նշած է Հանրապետութեան Նախագահը:

 

Input your search keywords and press Enter.