Իսլամ կինը «կը պահպանէ» Մարտինի հայկական միակ եկեղեցին

ԿԱՐԻՆ — Արեւմտեան Հայաստանի հարաւարեւելեան Մարտին նահանգի Տերիք շրջանի միակ հայկական եկեղեցին մնացած է հարեւանութեամբ ապրող Հաթուն Չաչուր անունով:
1650 թուականին կառուցուած Սուրբ Գէորգ եկեղեցին մնացած է առանց հoտի, երբ 1980-ականներուն հեռացած են Տերիքի մէջ ապրող վերջին հայերը:

Անցեալ տասնամեակներուն եկեղեցւոյ մասին հոգ տարած է այստեղ մնացած միակ հայկական ընտանիքը` Եուրշալին եւ Նայիֆ Տէմիրջի զոյգը: Բայց հիմա արդէն այդ տարեց զոյգը վատառողջութեան պատճառով կը դժուարանայ տունէն ելլելու` չկարենալով հոգալ եկեղեցւոյ մասին:

Այժմ մահմեդական կինը ստանձնած է հայկական եկեղեցւոյ խնամքը: Ան նոյնպէս տարեց է եւ 8 երեխաներու մայր: Ան իր մօտ կը պահէ եկեղեցւոյ բանալին, կը մաքրէ եկեղեցին եւ բակը, կը ջրէ 1500 ք/մ ընդհանուր մակերեսով այգիին ծառերը:
«Պետութիւնը ինծի որեւէ աշխատավարձ չի տար, ոչ մէկը կ՛օգնէ: Ես ալ տարիքով մեծ եմ, հիւանդ եմ, բայց չեմ ուզեր, որ այս եկեղեցին մնայ բախտի քմահաճոյքին»,- ըսած է Չաչուրը:

 

Input your search keywords and press Enter.